قازىرگى ۋاقىتتا وبلىس ورتالىعىندا كوشى-قون قىزمەتى ورتالىعى جۇمىس ىستەپ تۇر. بۇل مەكەمەدە مەملەكەتتىك قىزمەت تۇرلەرىن الۋعا جانە پوليتسيا جۇمىسىنا بايلانىستى سۇراقتاردى كوتەرگەن ازاماتتاردى قابىلداۋ ءۇشىن قاجەتتى جاعداي جاسالعان.
ايماق تۇرعىندارىمەن ەسەپتىك كەزدەسۋىندە وبلىس اكىمى سەرىكباي ترۇموۆ كريمينوگەندىك احۋالعا ەگجەي-تەگجەيلى توقتالىپ ءوتتى.
-تىركەلگەن قىلمىستاردىڭ جالپى سانىنىڭ 5238-گە دەيىن نەمەسە 2018 جىلدىڭ وسى كەزەڭىمەن سالىستىرعاندا 4 پروتسەنتكە تومەندەگەنى بايقالادى. سونداي-اق, ورتاشا اۋىرلىقتاعى قىلمىستاردىڭ سانى 19,9 پايىزعا, كiشiگiرiم اۋىرلىقتاعى قىلمىستار 3,3 پروتسەنتكە تومەندەپ وتىر. مۇنداي كورسەتكىشكە ساندىق ۇلگىدەگى قۇرال-جابدىقتاردىڭ پوليتسيا قىزمەتىندە كەڭ قولدانىسقا ەنۋى سەبەپ دەپ ويلايمىن. بۇگىندە اقتاۋ قالاسىندا 600 بەينەباقىلاۋ كامەراسىن ورناتۋ جۇمىستارى باستالدى. جاڭاوزەن قالاسىندا «وزەنمۇنايگاز» مەكەمەسىنىڭ قارجىسى ەسەبىنەن قوسىمشا 170 كامەرا ورناتىلدى. بىلتىر ءۇيىنىڭ ىرگەسىنە 300-دەن استام بەينەباقىلاۋ كامەراسى قويىلعان پاتەر يەلەرىمەن ءتۇسىندىرۋ جۇمىستارى جالعاسۋدا», دەدى سەرىكباي وتەلگەن ۇلى.
وتكەن جىلدىڭ وسى كەزەڭىمەن سالىستىرعاندا وڭىردە جول-كولىك وقيعاسىنىڭ سانى 2,4پايىزعا (280-نەن 273-كە دەيىن), قازا تاپقاندار سانى 4 پروتسەنتكە (75-تەن 72-گە) ازايعانى بايقالادى. كەرىسىندە جول اپاتىندا جارالانعان ادام سانى 10,8پروتسەنتكە (352-دەن 390-عا دەيىن) وسكەن.
-جاياۋ جۇرگىنشىلەردىڭ قاۋىپسىزدىگى ءۇشىن ولارعا ارنالعان وتكەلۇستىنەن تىكەلەي قوسىمشا جارىقتاندىرۋ ورناتۋ, تەڭىز جاعالاۋىندا كولىك جىلدامدىعىن ساعاتىنا 40 كيلومەترگە دەيىن شەكتەۋ, جولعا قوسىمشا 10 جاساندى كەدەرگىلەردى ورناتۋ ماسەلەلەرى شەشىلۋدە. سونداي-اق, وبلىس ورتالىعىندا 57 جاياۋ جۇرگىنشىلەر وتكەلىن ارنايى جارىق شاعىلىستىراتىن جابىنمەن سىرلاۋ جانە وتكەلدەر الدىنداعى جولعا شۋلى جولاقتار سالۋ جۇمىستارى جۇرگىزىلدى, دەدى ايماق اكىمى.
ەسەپتىك كەزدەسۋدە بىلتىروبلىس كولەمىندە 464 رەت ەسىرتكى ءتارتىبىن بۇزۋ دەرەگى ءسوز بولدى. ونىڭ ىشىندە 43-ءى ەسىرتكى وتكىزۋ قالعان جەتەۋى اسا ءىرى كولەمدە ساقتاۋ فاكتىلەرى. ءتارتىپ ساقشىلارىنىڭ جەدەل ءىس-قيمىلىنىڭ ارقاسىندا زاڭسىز اينالىمنان 290 كەلىدەن استام ەسىرتكى زاتى تاركىلەنىپ الىنعان.
مال ۇرلىعىن تومەندەتۋ جانە اشىلۋىن جەدەلدەتۋ ماقساتىندا ءتورت ت ۇلىك يەلەرىمەن ءۇي جانۋارلارىن چيپتەۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلدى.
ناتيجەسىندە 2020 جىلعى 1 قاڭتارداعى جاعداي بويىنشا وبلىس بويىنشا ولاردىڭ جالپى سانىنان 44 پروتسەنت جىلقى جانە 88,2 پايىز تۇيەلەرگە چيپتەۋ جۇرگىزىلدى.
وتكەن جىلى پوليتسەيلەر جەرگىلىكتى جانە رەسپۋبليكالىق ماڭىزداعى جولداردىڭ بويىندا ورنالاسقان 52 شارۋا قوجالىعىن جانە قولدا بار مال سانىن كورسەتە وتىرىپ ارنايى كارتا جاساقتادى.
كامەلەتكە تولماعانداردىڭ زاڭبۇزۋشىلىققا بارۋى مەن ونىڭ الدىن الۋدا كەشەندى ءىس-شارالار جالعاسىپ جاتىر. وسىنىڭ ناتيجەسىندە قوعامدىق ورىنداردا قىلمىس جاساۋ 19,7 پايىزعا, كوشە قىلمىسى 26,6پروتسەنتكە, كامەلەتتىك جاسقا تولماعانداردىڭ قۇقىقبۇزۋشلىققا بارۋى 1,4 پايىزعا, اتىس قارۋىن قولدانىپ جاسالعان قىلمىستار 41,2 پروتسەنتكە, سونداي-اق توپ بولىپ جاسالعان زاڭ بۇزۋشىلىقتار 8,4 پايىزعا از جاسالعانى بايقالىپ وتىر.
وتكەن جىلدىڭ قورىتىندىسىندا وبلىس كولەمىندە 42 بۋكمەكەرلىك كەڭسەنىڭ جۇمىسى توقتاتىلدى.
