سەمينار-كەڭەستىڭ نەگىزگى ماقساتى – وڭىرىمىزدەگى ورتالىق جəنە جەرگىلىكتى ورگانداردىڭ نورماتيۆتىك قۇقىقتىق اكتىلەرىنە سىبايلاس جەمقورلىققا قارسى ساراپتاما جۇرگىزۋ ءىسىن قايتا قالپىنا كەلتىرۋ.
سەمينارعا دەپارتامەنت باسشىسىنىڭ ءبىرىنشى ورىنباسارى س. قانىبەكوۆ, ارنايى مونيتورينگ توبىنىڭ مۇشەلەرى, ماڭعىستاۋ وبلىسىنىڭ ادۆوكاتتار القاسىنىڭ زاڭگەرلەرى, جوعارعى وقۋ ورىندارىنىڭ وقىتۋشىلارى مەن جوعارى كۋرس ستۋدەنتتەرى, قوعام وكىلدەرى, زاڭگەرلەر قاتىستى.
سەمينار بارىسىندا قازاقستانداعى پارلامەنتاريزمدى دامىتۋ قورىنىڭ پرەزيدەنتى, رەسپۋبليكالىق ارنايى مونيتورينگتىك توبىنىڭ مۇشەسى زəۋرەش باتتالوۆا نورماتيۆتىك قۇقىقتىق اكتى جوبالارىنا سىبايلاس جەمقورلىققا قارسى ساراپتاما جۇرگىزۋدىڭ ماڭىزدىلىعىنا كەڭىنەن توقتالىپ, اشىق ديالوگتىق سۇحبات قۇردى.
تىڭداۋشىلارعا ساراپتاما جاساۋدىڭ نەگىزگى قاعيدالارى مەن جۇيەسىن, تەحنيكاسى مەن ماقساتىن, ساراپتاما وتكىزۋدىڭ مەرزىمدەرى مەن سىبايلاس جەمقورلىققا قارسى ساراپتاما قورىتىندىسىنىڭ قۇرىلىمىن, مازمۇنى مەن اقپاراتتىڭ اشىقتىعىنا جانە قولجەتىمدىلىگىنە قاتىستى قۇندى اقپاراتتار بەرىلدى.
سونداي-اق, قازاقستانداعى پارلامەنتاريزمدى دامىتۋ قورىنىڭ ەركىن زاڭناما ينستيتۋتىنىڭ عىلىمي جەتەكشىسى, رەسپۋبليكالىق ارنايى مونيتورينگتىك توپ مۇشەسى, زاڭ عىلىمدارىنىڭ كانديداتى, ادۆوكات مەرەكە عابدۋاليەۆ سىبايلاس جەمقورلىققا قارسى ساراپتاما جۇرگىزۋ پروتسەسىنە كەڭىنەن توقتالىپ ءوتتى.
ۇيىمداستىرۋشىلاردىڭ ايتۋىنشا, بۇل مەحانيزم زاڭنامالىق جانە نورماتيۆتىك قۇقىقتىق اكتىلەردى ازىرلەۋ ساتىسىندا ىقتيمال سىبايلاس جەمقورلىق تاۋەكەلدەرىن انىقتاۋعا جانە جويۋعا مۇمكىندىك بەرەدى.
شارا سوڭىندا قاتىسۋشىلارعا تاقىرىپتى كەڭىنەن ءتۇسىندىرۋ ماقساتىندا پراكتيكالىق جاتتىعۋلار ۇيىمداستىرىلىپ, بارلىق قاتىسۋشىلارعا سەرتيفيكاتتار تابىستالدى.
