ايتەكە ءبيدىڭ 375 جىلدىعى مەن جاستار جىلىنا ارنالعان رەسپۋبليكالىق اقىندار ايتىسىنان باستالعان رۋحاني-مادەني شارالار لەگى جىل بويى ۇزىلگەن جوق. حالىقارالىق, رەسپۋبليكالىق, وبلىستىق كونكۋرس-فەستيۆالدەر, «پاراساتتى پوەزيا» فەستيۆالى ۇيىمداستىرىلدى. وزبەكستان رەسپۋبليكاسىندا وتكەن وبلىستىڭ ونەر كۇندەرى الىس-جاقىن شەت ەلدەرگە ءوڭىرىمىزدىڭ ونەرىن عانا ەمەس, تاريحىن, بۇگىنگى كەلبەتىن تانىتۋعا جول اشتى.
ال وسى جىلى التىن وردانىڭ 750, قازاقتىڭ ۇلى اقىنى اباي قۇنانباي ۇلىنىڭ 175, ۇلى وتان سوعىسىنداعى جەڭىستىڭ 75 جىلدىعىنا وراي ء تۇرلى دەڭگەيدە 816 اۋقىمدى مادەني-كوپشىلىك شارا ۇيىمداستىرىلاتىن بولادى.
ن. بەكەجانوۆ اتىنداعى اكادەميالىق مۋزىكالىق دراما تەاترى ساحناسىندا «اباي» سپەكتاكلى قويىلدى. ءا.تاجىباەۆ اتىنداعى امبەباپ عىلىمي كىتاپحانادا «كەمەڭگەرلىكتىڭ بيىك شىڭى – اباي» تاقىرىبىندا كەڭەيتىلگەن تۇراقتى كورمە اشىلدى.
جاقىن ارادا C. ايتباەۆ اتىنداعى كوركەمسۋرەت گالەرەياسىندا وتەتىن «قانات جايعان رۋحانيات» اتتى تاقىرىپتىق كورمە دە ۇلى اقىن مەرەيتويىنا ارنالىپ وتىر.
- اقپاننىڭ سوڭعى ونكۇندىگىندە «جيدەباي-ءبورىلى» مەملەكەتتىك قورىق-مۋزەيىنىڭ «اباي - دانا, اباي - دارا قازاقتا» كوشپەلى كورمەسى 10 كۇن بويى C. ايتباەۆ اتىنداعى كوركەمسۋرەت گالەرەياسىندا ۇيىمداستىرىلادى. قورىق-مۋزەيدەگى قۇندى جادىگەرلەرمەن تانىسۋدىڭ مۇنداي مۇمكىندىگى ۇنەمى تۋا بەرمەيدى. سوندىقتان ءبارىڭىزدى وسى شارادان شەت قالماۋعا شاقىرامىن, – دەدى باسقارما باسشىسى.
شارالار لەگىن ودان ءارى «كوزىمنىڭ قاراسى» اتتى ۆوكاليستەردىڭ وبلىستىق كونكۋرسى مەن اباي اندەرىنە قويىلعان « ۇلى دالا ىرعاقتارى» اتتى بي بايقاۋى جالعاستىرادى.
جالپى وسى اتاۋلى جىل اياسىندا « ۇلى حالىقتىڭ - ۇلى ابايى», «اباي دارا, اباي دانا قازاقتا», «الەمگە تانىلعان اباي», «كەمەڭگەرلىكتىڭ بيىك شىڭى – اباي», «اسىل ءسوزدى ىزدەسەڭ, ابايدى وقى ەرىنبە» اتتى كىتاپ كورمەلەرى مەن ادەبي كەشتەرى, تۇرماعامبەت اتىنداعى حالىق اسپاپتار وركەسترىنىڭ «ابايدىڭ ءان الەمى» اتتى كونتسەرتىن وتكىزۋ جوسپارلانىپ وتىر.
