شاراعا پارلامەنتى سەناتىنىڭ دەپۋتاتتارى, پارلامەنت ءماجىلىسى توراعاسىنىڭ ورىنباسارى ۆلاديمير بوجكو, قحا توراعاسىنىڭ ورىنباسارى جانسەيىت تۇيمەباەۆ, تۇڭعىش پرەزيدەنت – ەلباسىنىڭ جاقتاستارى, قوعام قايراتكەرلەرى, عىلىمي جانە شىعارماشىلىق ينتەلليگەنتسيا, ۋنيۆەرسيتەت رەكتورلارى, جاستار, قحا مۇشەلەرى, ەتنومادەني بىرلەستىكتەردىڭ جەتەكشىلەرى جانە باسقالارى قاتىستى.
سەناتور ءوز بايانداماسىندا «قازاقستان حالقى اسسسامبلەياسى باستاماسىمەن قۇرىلعان «تۇڭعىش پرەزيدەنت جولىمەن» حالىقتىق ەكسپەديتسياسى» جوباسى تاۋەلسىز قازاقستاننىڭ قالىپتاسۋى مەن قۇرىلۋىندا ەلباسىنىڭ سىڭىرگەن ەڭبەگىن قوعامدىق سانادا نىعايتۋعا باعىتتالعانىن اتاپ ءوتتى. «پرەزيدەنتىمىزدىڭ ەلدىڭ وركەندەۋىنە قوسقان ۇلەسىن كەيىنگى ۇرپاق ساناسىندا نىقتاي تۇسەتىن ۇلكەن ساپار باستالدى. بۇل ءىس, ەڭ الدىمەن حالقىمىز ءۇشىن, ۇرپاقتارىمىز بەن تاۋەلسىزدىگىمىز ءۇشىن قاجەت»,- دەدى ل. سۇلەيمەن.
شارا اياسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ «اتامەكەن» تاريحي-مادەني ورتالىعىن, «اناعا قۇرمەت» مۇراجايى مەن قاراساي اۋدانىنداعى «باتىر بابالار» مەموريالدىق كەشەندەرىن ارالاۋمەن قاتار, اۋداننىڭ وزات وقۋشىلارى ادەبي-كوركەم شىعارمالاردان ەلباسى تۋرالى ۇزىندىلەردى وقىدى.
