جىل سايىن قىستىڭ سوڭى, كوكتەمنىڭ باسىندا ارناسىنان اساتىن سىرداريانىڭ كەيبىر ەلدى مەكەندەر ءۇشىن قاۋىپكە اينالاتىنى راس. دەپارتامەنت پەن فيليال قىزمەتكەرلەرى قىزىلوردا قالاسى تۇسىنداعى قاۋىپتى سانالاتىن اۋماقتىڭ بىرىندە وزەن جاعالاۋىن نىعايتتى. كەڭسە قىزمەتكەرلەرى قاپتارعا توپىراق تولتىرىپ, ولاردان بوگەت جاسادى. بۇل جۇمىستارعا توتەنشە جاعدايلار سالاسىنىڭ ماماندارى جەتەكشىلىك ەتتى.
سۋ تاسقىنىن بولدىرماۋدا تىڭعىلىقتى جۇمىستار جۇرۋدە. بۇل باعىتتاعى ارنايى قۇرىلىمداردىڭ ەڭبەگى كوپ. دەگەنمەن, توتەنشە جاعدايلاردىڭ الدىن الۋعا اتسالىسىپ, قول كومەگىمىزدى كورسەتۋدى ءجون سانادىق.
ەرىكتىلەر ءبىلىم, مەديتسينا, مادەنيەت, سپورت, ەكولوگيا, الەۋمەتتىك قايىرىمدىلىق جانە باسقا دا باعىتتاردا كومەكتەرىن كورسەتۋدە. سول سەبەپتى, اتاۋلى جىل اياسىندا سىربويىلىقتاردى, ونىڭ ىشىندە مەملەكەتتىك قىزمەتشىلەردى يگى ىستەرگە, قايىرىمدىلىق شارالارىنا بارىنشا اتسالىسۋعا شاقىرامىن, - دەدى دەپارتامەنت باسشىسى نۇرمان تالقانباەۆ.
وسى كەزگە دەيىن مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا ەرىكتىلەر جىلى اياسىندا ەلىمىزدەگى مەملەكەتتىك قىزمەتشىلەر اراسىندا #يگىىستەرۋاقىتى باستاماسىنىڭ باستاۋ العانىن حابارلاعان بولاتىن.
داريا جاعالاۋىن بەكىتۋ ىسىنە ۇلەس قوسقان سىربويىلىق مەملەكەتتىك قىزمەتشىلەر #يگىىستەرۋاقىتى باستاماسى شەڭبەرىندە جىل بويى ءتۇرلى شارالار ۇيىمداستىرۋدى جوسپارلاپ وتىر.
