شاراعا فيلولوگيا عىلىمدارىنىڭ كانديداتى, ابايتانۋشى سارا باقتيارقىزى, ۇلى اقىننىڭ ولەڭدەرىن جاتقا بىلەتىن جاس ەلەنا پاك, قوعامدىق كەلىسىم كەڭەسىنىڭ مۇشەسى الەكساندر ابانين, جاس قىلقالام شەبەرى جاينا بالىقباەۆا, نازارباەۆ زياتكەرلىك مەكتەبىنىڭ مۇعالىمى مەرۋەرت ماراتوۆالار ارنايى شاقىرىلدى.
تاعىلىمى مول شارانى «قوعامدىق كەلىسىم» كمم اعا ساراپشىسى, كلۋب جەتەكشىسى شاكيزات ابدرامانوۆا جانە قورقىت اتا اتىنداعى قمۋ ستۋدەنتى ەلەنا پاك جۇرگىزدى.
ەڭ ءبىرىنشى كلۋبتىڭ ماقسات-مىندەتى, الداعى جۇمىس-جوسپارلارى تانىستىرىلدى.
ۇلى ابايدىڭ شىعارماشىلىعى تۋرالى ابايتانۋشى سارا باقتيارقىزى ايتىپ ءوتتى. ۇلت اقىل-ويىنىڭ شىڭىندا تۇرعان ۇلى ويشىلدىڭ الەمنىڭ وزىق تۇلعالارىمەن ۇندەستىگى جايلى قوعامدىق كەلىسىم كەڭەسىنىڭ مۇشەسى الەكساندر ابانين تاراتا ايتتى.
تانىمدىق شارادا كلۋب مۇشەلەرى كاراوكەمەن «كوزىمنىڭ قاراسى» ءانىن ورىندادى. «سىر قامقورى» بالاباقشاسىنىڭ بۇلدىرشىندەرى كلۋبتىڭ اشىلۋىنا وراي ارنايى قويىلىم قويدى.
شارا سوڭىندا 35 ادامعا «اباي كلۋبىنىڭ مۇشەسى» كۋالىگى تابىستالدى.
قىزىلوردا وبلىسى
