وبلىس ورتالىعىندا وتكەن شاراعا 600 كاسىپكەر جينالدى.
-قازىر ماڭعىستاۋ وبلىسىندا 54 مىڭعا جۋىق بيزنەس سۋبەكتىسى بار. جىل سايىن 4 مىڭ جاڭا كاسىپ اشىلۋدا. وبلىستاعى «قاراپايىم زاتتار ەكونوميكاسى» بويىنشا جوبالار قۇنى - 57 ملرد تگ جەتىپ, رەسپۋبليكادا 1-ورىندا تۇر. «باستاۋ بيزنەس» بويىنشا 1705 جۇمىسسىز ادام وقىتىلسا, «جاس كاسىپكەر» ارقىلى 700 ادام بيزنەس ءبىلىم الدى. ولاردان 626-سى جەكە كاسىبىن اشتى. ىسكە اسقان جوبالار قۇنى- 826 ملن تگ قۇرايدى, - دەدى 2019 جىلى اتقارىلعان جۇمىستار تۋرالى ايتقان مو كاسىپكەرلەر پالاتاسىنىڭ ديرەكتورى ن.قاراساي ۇلى.
وتكەن جىلى وڭىرلىك كاسىپكەرلەر پالاتاسىنا 134 كاسىپكەر اراشا سۇراپ, ارىزداندى. ولاردان 76-سى وڭ شەشىمىن تاۋىپ, كاسىپكەرلەردىڭ قۇقىعى قورعالۋى ناتيجەسىندە 1,8 ملرد تگ بيزنەسكە ءوندىرىلدى. كۇردەلى ماسەلەلەر نەگىزىنەن جەر قاتىناستارى, ساتىپ الۋلار, سەرۆيستىك قىزمەت, مەملەكەتتىك ورگانعا شاعىمدانۋ بولىپ كەلەدى.
ەلىمىزدە تسيفرلاندىرۋ جۇيەسىنە قوسىلۋ ماقساتىندا جۇزەگە اسقان «Atameken services» ەلەكتروندى قىزمەتى كومەگىمەن 5 مىڭعا جۋىق شاعىن جانە ورتا كاسىپكەرلىك نىسانى تىركەلگەن. 6 مىڭعا جۋىق ىسكەرگە ەلەكتروندى قىزمەت كورسەتىلدى.
ماڭعىستاۋدا «قاراپايىم زاتتار ەكونوميكاسىمەن» 71 جوبا قاراستىرىلدى. سونىڭ 38-ءى ناقتىلانىپ, قۇنى 57 ملرد تگ بولاتىن مال ءوسىرۋ, كوكونىس ەگۋ, قويما قىزمەتى, پلاستيك شىعارۋ, مەديتسينالىق قىزمەتتەر تاعى باسقا كاسىپتەر اشىلدى.
مو كاسىپكەرلەر پالاتاسىنىڭ كۇشىمەن وڭىرلىك سكرينينگ ءوتتى. وعان وبلىستاعى ءۇي شارۋاسىندا وتىرىپ, كاسىپپەن اينالىسقان 95 مىڭنان استام ادام قاتىستى. ونىڭ قورىتىندىسى كاسىپكەرلەردىڭ الەۋمەتتىك سالالارىن انىقتاۋ, ەلدى مەكەندەردىڭ ەكونوميكالىق بازاسىن انىقتاۋ, اۋدانداردىڭ مامانداندىرۋ كارتالارىن قالىپتاستىرۋ, جاپپاي كاسىپكەرلىكتى دامىتۋعا ارنالعان بيزنەس-جوبالاردى جاساقتاۋعا كومەگىن تيگىزبەك.
بيزنەسكە ەسەپ بەرگەن 5 اۋدان ەكى قالادا وتكەن كەزدەسۋلەردە كاسىپكەرلەردى تولعاندىرعان ماسەلەلەر جيناقتالىپ ورتالىق اپپاراتقا جانە جەرگىلىكتى بيلىككە جولدانادى. وسىلايشا بيزنەستەگى كەدەرگىلەر مەن تۇيتكىلدى سۇراقتار بىرلەسىپ شەشىمىن تابۋعا سەپ بولادى.
