شاراعا «Nur Otan» پارتياسى ماڭعىستاۋ وبلىستىق فيليالىنىڭ «قوعامدىق قابىلداۋ» ءبولىمىنىڭ وكىلدەرىمەن بىرگە وبلىستىق دەنساۋلىق ساقتاۋ باسقارماسىنان, جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنان وكىلدەر قاتىسىپ, ازاماتتارعا كەڭەس بەرىپ, ماسەلەلەرىن شەشۋگە ات سالىستى. بۇل تۋرالى «Nur Otan» پارتياسى ماڭعىستاۋ وبلىستىق فيليالىنىڭ ءباسپاسوز قىزمەتى حابارلادى.
قابىلداۋعا جالپى سانى 12 ادام كەلدى. مۇمكىندىگى شەكتەۋلى ازاماتتار جانە قامقورشىلار ماتەريالدىق جانە ءدارى-دارمەكپەن كومەك قولىن سوزۋدى سۇرادى.
ماسەلەن, قابىلداۋعا كەلگەن تۇرعىنداردىڭ ىشىندە ق. قايىپنازاروۆا جانە ج. بەردىباەۆا بالالارىنىڭ دەنساۋلىق جاعدايىنا بايلانىستى كۆوتا الۋعا كومەك سۇرادى. بۇل ماسەلەلەر بويىنشا, ازاماتشا قايىپنازاروۆانىڭ ماسەلەسى وڭ شەشىمىن تاۋىپ, كۆوتا يەلەندى. ال بەردىباەۆانىڭ ماسەلەسى بويىنشا پورتالعا تىركەۋگە كەلىسىلىپ, ماتەريالدىق كومەك الۋ ءۇشىن 28-اقپاندا وتەتىن وبلىستىق «Nur Otan» پارتياسى ماسليحاتتاعى دەپۋتاتاتتىق فراكتسيا مۇشەسى كەتەباەۆ اتقوسشىنىڭ قابىلداۋىنا جازىلدى.
كومەككە ءزارۋ تۇرعىنداردىڭ ءبىرى م. ساقتاعانوۆا ۇلىنا اۋىر دياگنوز قويىلىپ, بۇگىندە جان ساقتاۋ بولىمىندە جاساندى جولمەن تىنىس الاتىنىن ايتتى. ازاماتشا ۇلىن نۇر-سۇلتان نەمەسە الماتى قالالارىنا اپارىپ وتا جاساتۋعا كومەك سۇرادى. بۇل ماسەلە جونىندە م. دجايلىباەۆ جانە ت. تەلەباەۆ ماڭعىستاۋ وبلىستىق اۋرۋحاناسىنا بارىپ, نارەستەگە قاجەتتى كومەكتىڭ كورسەتىلۋىن قامتاماسىز ەتەتىندىگىن ايتتى.
قابىلداۋعا جاڭاوزەن قالاسىنىڭ تۇرعىنى ا. قياشوۆا قاتىسىپ, 2011 جىلى تۋىلعان بالاسى ءالىمجان داميرگە كومەك قاجەتتىگىن ايتتى. ۇلىنىڭ دياگنوزى «يۋۆەنيلدى يديوپاتيالىق ارتريت» بولعاندىقتان, ءدارى-دارمەگىنە اۋقىمدى قاراجات قاجەت. ايىنا الاتىن ءبىر ەكپەسىنىڭ ءوزى 1ملن 200 مىڭدى قۇرايدى. سيرەك كەزدەسەتىن اۋرۋ بولعاندىقتان, ەمگە قاجەتتى ەكپەلەر تەگىن دارىلەر قاتارىنا جاتپايدى.
وسى ماسەلە بويىنشا بىلتىر وبلىس اكىمىنىڭ كومەگىمەن, 1 ايعا ەكپەسى الىنعان بولاتىن. الايدا, استانا قالاسىنىڭ دارىگەرلەرى تاعايىنداعان جاڭا ەكپەگە 3 ملن تەڭگە قاجەت. وسى ماسەلە بويىنشا بۇدان بۇرىن وبلىستىق ءماسليحات دەپۋتاتى اببات ورىسباەۆتىڭ قابىلداۋىنا كىرىپ, دەپۋتاتتىق سۇراۋمەن حات جازىلعان. ازاماتشانىڭ ماسەلەسى تاعى دا نازارعا الىندى.
قابىلداۋعا كەلگەن ازاماتتاردىڭ بارلىعىنا جاۋاپ بەرىلىپ, ماسەلەسى شەشىلگەنشە پارتيانىڭ باقىلاۋىندا بولاتىندىعى ايتىلدى.
