كاسىپكەرلەردى نەگىزىنەن اۋىلشارۋاشىلىعىنا سۋبسيديا ءبولۋ, بيزنەسكە شەكتەۋدى بولدىرماۋ, قالا ىشىلىك مارشرۋتتار ماسەلەسىن شەشۋ, بيزنەستى سالىقتان بوساتۋ جاعدايى الاڭداتاتىن بولىپ شىقتى. كاسىپكەرلەر پالاتاسىنىڭ ارالاسۋىمەن بىرقاتار ماسەلەلەردى بىرلەسىپ شەشۋ كوزدەلىپ وتىر. 154 مىڭداي حالقى بار جاڭاوزەندە 2019 جىلدىڭ ەسەبى بويىنشا 8 مىڭ ورتا جانە شاعىن بيزنەس سۋبەكتىسى جۇمىس ىستەپ تۇر. ولاردىڭ ءونىمى 26 ملرد تگ قۇراپ وتىر. مۇنايلى شاھاردىڭ وبلىستاعى ۇلەسى ءوندىرىس بويىنشا 6.6%, ينۆەستيتسيا جاعىنان 14%.
شاھاردا وتكەن جىلدىڭ وزىندە 180 كاسىپكەرلىك نىسانى اشىلعان. ونىڭ 59-ى «بيزنەستىڭ جول كارتاسى-2020» باعدارلاماسى بويىنشا, «اتامەكەن» ميكروقارجى ۇيىمىنان نەسيە الۋ ارقىلى 36, «نۇر كاپيتال»-68, «ەڭبەك» باعدارلاماسى ارقىلى 17 جوبا جۇزەگە استى. جاڭاوزەندىك ىسكەرلەردىڭ 42 جەر ۋچاسكەسىنە بايلانىستى تۇيىتكىلدى ماسەلەسىنىڭ 30-ى كاسىپكەرلەر پالاتاسىنىڭ ارالاسۋىمەن وڭ شەشىمىن تاپتى. ال بيزنەس ءبىلىمدى 680 جۇمىسسىز قالا تۇرعىنى الدى. سونىڭ 140-ى جەكە كاسىبىن اشتى. جوبالاردىڭ قۇنى - 88 ميلليون تەڭگەدەن اسادى.
ەسەپتىك كەزدەسۋدە كاسىپكەرلەرگە ايتىلعان مالىمەت بويىنشا, وتكەن جىلى ىسكەرلەر اراسىندا وڭىرلىك سكرينينگ ءوتتى. جاڭاوزەن قالاسىندا 8 مىڭنان استام كاسىپكەردەن جانە 37 مىڭ ءۇي شارۋاسىندا ءجۇرىپ كاسىپپەن شۇعىلداناتىن جانداردان سۇحبات الىندى. بۇل جۇمىستار كاسىپكەرلەر مەن ءۇي شارۋاسىنداعى ازاماتتاردىڭ الەۋمەتتىك جانە وندىرىستىك ينفروقۇرىلىمعا قاجەتتىلىكتى انىقتاۋ, بوس جۇمىس ورىندارعا مۇقتاجدىقتى ءبىلۋ ماقساتىندا جۇرگىزىلدى. جاڭاوزەندە «بيزنەستىڭ جول كارتاسى» بويىنشا 31 كاسىپكە سۋبسيديا بەرىلدى. «قاراپايىم زاتتار ەكونوميكاسى» باعىتىندا وبلىستا 71 جوبا قاراستىرىلىپ, 38-ءى قولداۋ تاپتى. سولاردىڭ ىشىندە بىرەۋى 40 ميلليون تەڭگە جاڭاوزەن قالاسىنىڭ جوباسى بولىپ سانالادى.
كاسىپكەرلەرمەن كەزدەسۋ جىلىنا ەكى رەت ۇيىمداستىرىلۋ جوسپارلانىپ وتىر.
