باسقوسۋدا قوقىستاردى سۇرىپتاۋ, قاتتى-تۇرمىستىق قالدىقتاردى تۇتىنۋدى جəنە ولاردىڭ پايدا بولۋىن ازايتۋ, ەكولوگيالىق سانا مەن تاربيەنىڭ ماڭىزى, جانۋارلار مەن وسىمدىكتەر دۇنيەسىن ساقتاۋ, ەكولوگيالىق زاڭدى بۇزۋشىلارمەن بىتىسپەس كۇرەس سەكىلدى ماڭىزدى ماسەلەلەر ءسوز بولدى.
اتالعان شاراعا ماڭعىستاۋ وڭىرىنەن بيولوگ ءارى تاۋەلسىز ەكولوگ, «تابيعي ورتا» باتىس قازاقستان بويىنشا ۇەۇ ايماقتىق قاۋىمداستىعى كەڭەسىنىڭ توراعاسى, «قازاقستان بيوالۋانتۇرلىلىكتى ساقتاۋ اسسوتسياتسياسى» رقب ماڭعىستاۋ فيليالىنىڭ جەتەكشىسى, ورتالىق ازيا باستاماسىنىڭ ايماقتىق ۇيلەستىرۋ كوميتەتىنىڭ مۇشەسى ادىلبەك قوزىباقوۆ قاتىسقان بولاتىن.
ونىڭ ايتۋىنشا, حالىقتىڭ ەكولوگيالىق ساناسىن وزگەرتۋدەگى قوعامنىڭ رولىنە كوبىرەك كوڭىل بولىنبەك. بۇگىندە ادام بالاسىنىڭ تابيعاتپەن ارا قاتىناسى, ءبىزدىڭ كۇندەلىكتى تىرشىلىگىمىزدىڭ قورشاعان ورتاعا اسەرى ەرەكشە ەكەندىگىن ءاربىر ازامات سەزىنۋى ءتيىس.
- راسىندا, ەكولوگيالىق سانا وزگەرمەي, تابيعاتتى قۇردىمعا جىبەرىپ الۋ وپ-وڭاي. بۇل پروبلەما تەك مەملەكەتتىڭ مۇددەسى بولۋى ءتيىس, قاراپايىم تۇرعىندار بۇعان باس اۋىرتۋعا مىندەتتى ەمەس دەگەن پىكىردەن ارىلۋ قاجەت. قورشاعان ورتانى قورلاۋ ەمەس, قورعاۋدى ۇيرەنۋىمىز كەرەك. ءبىر ماڭعىستاۋدىڭ وزىندە ەكولوگيالىق ماسەلەلەر جەتىپ ارتىلادى. ال ەكولوگيالىق احۋالدى جاقسارتۋعا ءاربىر ادام ءوزىنىڭ ۇلەسىن قوسسا, قاسيەتتى ماڭعىستاۋ ەڭ تازا ءارى قاۋىپسىز وڭىرگە اينالارى ءسوزسىز, - دەيدى ول.
سونىمەن قاتار بەلگىلى بولعانداي, الدا وتەتىن ەكو-بەلسەندىلەرىنىڭ سلەتى وڭىرلەردەگى بىرلەسكەن ەكولوگيالىق جوبالاردىڭ باستالۋىنا سەرپىن بەرمەك. وسى ماقساتتا ەلىمىزدىڭ ءاربىر وڭىرىنەن ەكولوگيالىق باستامالاردىڭ جۇزەگە اسىرىلۋىن قاداعالاپ وتىراتىن امباسسادورلاردى بەلگىلەندى.
سونداي-اق پرەزيدەنت قاسىم-جومارت توقاەۆ جاريالاعان «ۆولونتەرلەر جىلى» مينيسترلىكتىڭ «Birgemiz: Taza Álem» اتتى جالپىۇلتتىق جوباسىن ىسكە اسىرۋ جوسپاردا بار. ونىڭ اياسىندا ەكولوگيا سالاسىنداعى ۆولونتەرلەردىڭ دەرەكتەر بازاسى جاسالادى جانە «Taza Alem» اتتى 3 ۆولونتەرلەردى ادىستەمەلىك قولداۋ ورتالىعى قۇرىلماق.
نۇر-سۇلتاندا وتكەن كەزدەسۋ نəتيجەسىندە جول كارتاسى قۇرىلىپ, وعان بەلسەندىلەردىڭ بارلىق باستامالارى مەن ۇسىنىستارى ەنگىزىلمەك. بۇل باستامالار جىل ىشىندە ورىندالماق.
