وسىدان 3 جىل بۇرىن كەنتتىڭ وسى اۋماعىنان تۇرعىندارعا ءۇي سالۋ ءۇشىن 56 گەكتار جەر بەرىلگەن بولاتىن. قازىر مۇندا 80-گە جۋىق باسپانا بار. وسىعان دەيىن جول سالىنىپ, ەلەكتر جارىعى مەن گاز جەلىسى جۇرگىزىلگەن. شەشىمىن تاپپاعان تەك اۋىز سۋ عانا بولاتىن. مىنە, بۇگىندە رەسپۋبليكالىق جانە وبلىستىق بيۋدجەتتەن قارجى ءبولىنىپ, اۋىز سۋ سەرۆيستىك جەلىگە قوسىلدى. بۇل وسىعان دەيىن سۋدى سىرتتان تاسىپ ىشكەن تۇرعىندار ءۇشىن جاقسى جاڭالىق.
وسىعان وراي وتكەن شارادا اۋدان اكىمى مۇرات ەرگەشباەۆ تۇرعىنداردى ساپالى اۋىز سۋمەن قامتۋ باعىتىندا اتقارىلىپ جاتقان جۇمىستارمەن تانىستىردى.
– حالىق ءۇشىن ساپالى اۋىز سۋعا قولجەتىمدىلىكتىڭ ماڭىزى وتە زور. سوندىقتان بۇل ماسەلەنى ءبىز كۇن تارتىبىنەن تۇسىرگەن ەمەسپىز. بۇگىندە اۋدان ورتالىعىنان شالعاي جاتقان ەلدى مەكەندەرگە دەيىن سۋ جەلىلەرىن تارتتىق. ەندى بىرتىندەپ بارلىق اۋىلداردى سەرۆيستىك جەلىگە قوسۋ ءۇشىن جۇمىس جاتىرمىز. وتكەن جىلى ءۇ.تۇكتىباەۆ اۋىلى مەن جالپاق ەلدى مەكەنى سەرۆيستىك جەلىگە قوسىلدى. ەندى بىزدە 3 ەلدى مەكەن قالدى. بۇعان ءتيىستى قۇجاتتارى دايىندالىپ, قارجىلاندىرۋ ءۇشىن بيۋدجەتتىك ءوتىنىم تاپسىرىلعان. قازىر قارجىلاندىرىلۋىن كۇتىپ وتىرمىز, – دەدى مۇرات نالقوجا ۇلى.
