- دۋلات يسابەكوۆتىڭ «اپكە» دراماسى بۇگىنگى زامان اعىسىمەن ۇلتتىق قۇندىلىقتاردى جوعالتا باستاعان, ادامگەرشىلىك, پارىز, بورىش ۇعىمدارىن جەتە تۇسىنبەيتىن جاستاردىڭ بەينەسىن اشىپ كورسەتەتىن شىعارما,-دەيدى «ليرا» ادەبي كلۋبىنىڭ جەتەكشىسى, تاربيەشى مۇحامەت جەڭىس ۇلى,-وسى پەسانى ارنايى تاڭداپ الۋىمىزدىڭ دا وزىندىك سەبەبى بار. ءبىز وسى قويىلىم ارقىلى ءار وقۋشىمىزعا وتباسىنداعى تاربيەنىڭ ءرولى ۇلكەن ەكەنىن, اعايىن, تۋىس, باۋىر اراسىنداعى قارىم-قاتىناستىڭ ەڭ قۇندى دۇنيە ەكەندىگىن ايتقىمىز كەلدى. بالالاردىڭ مىنەز-قۇلقىنا, قابىلەتىنە قاراي شىعارماداعى رولدەر ءبولىنىپ بەرىلىپ, قىسقا ۋاقىت ىشىندە دايىندىق جۇرگىزدىك.
شيەلەنىستى وقيعادان باستالىپ, ساحناداعى وقيعالار جەلىسى وربىگەن سايىن زالداعى كورەرمەننىڭ دە جاس ارتىستەرمەن ءبىر تولقىندا كۇي كەشكەنى انىق. كورەرمەنىن قۋانتا دا, مۇڭايتا دا, جىلاتا دا بىلگەن كەيىپكەرلەردىڭ ونەرى باس بارماقپەن باعالاۋعا تۇرارلىق.
- سىزدەر بىزدەرگە ەرەكشە كوڭىل-كۇي, سەزىم سىيلادىڭىزدار. ساحنادا ىسىلىپ, تاجىريبەسى تولىسقان ارتىستەردىڭ ءوزى ءبىر ءرولدى بىرنەشە مارتە ويناۋ ارقىلى ونەرىن ۇشتاي تۇسەدى. ازعانتاي ۋاقىتتىڭ ىشىندە ۇلكەن دۇنيەنى الىپ شىعىپ, تاماشالاتقان ەڭبەكتەرىڭىز ءۇشىن العىسىمىز شەكسىز. بۇگىن سىزدەردى جاڭا ءبىر قىرلارىڭىزدان تانىپ جاتىرمىز. وسى زالدا وتىرعان ءاربىر ادام عيبرات الدى دەگەن ويدامىن. ەندى سىزدەردەن جاڭا ءبىر تۋىندى, قويىلىم كۇتەمىز. ونەرلەرىڭىز ورگە جۇزە بەرسىن,-دەدى مەكتەپ ديرەكتورى باعدان قايىرجانوۆ پەسا سوڭىندا.
