اتالعان ءىس-شاراعا ازەربايجان سىرتقى ىستەر ءمينيسترى ەلمار مامەدياروۆ, قىرعىزستان سىرتقى ىستەر ءمينيسترى چينگيز ايداربەكوۆ, تۇركيا سىرتقى ىستەر ءمينيسترى مەۆليۋت چاۆۋشوگلۋ, وزبەكستان سىرتقى ىستەر ءمينيسترى ابدۋلازيز كاميلوۆ جانە ماجارستان سىرتقى جانە ساۋدا ءمينيسترىنىڭ ورىنباسارى لەۆەنتە ماديار قاتىستى.
ءىس-شارا كۇن تارتىبىندە تۇركى كەڭەسىنە مۇشە ەمەس مەملەكەتتەر جانە ۇيىمدار اراسىندا ىنتىماقتاستىق ورناتۋ, ۇيىمنىڭ اتاۋىن وزگەرتۋ, «2040 – تۇركى كەلەشەگى» باعدارلاماسى جانە كەزەكتى سامميت مەرزىمدەرى ىسپەتتەس وزەكتى ماسەلەلەر قاراستىرىلدى.
سىرتقى ىستەر مينيسترلەرى تۇركى كەڭەسىنىڭ قۇرمەتتى توراعاسى تۋرالى ەرەجەنى قابىلدادى. 2019 جىلعى 15 قازاندا تمىك 7-ءشى سامميتىندە تۇڭعىش پرەزيدەنت - ەلباسى نۇرسۇلتان نازارباەۆ كەڭەستىڭ قۇرمەتتى توراعاسى رەتىندە سايلانعان.
م. تىلەۋبەردى ءوز بايانداماسىندا ەلباسى ن. نازارباەۆتىڭ بىلتىر تۇركى كەڭەسىنىڭ 7-ءشى سامميتىندە ۇيىمنىڭ اتاۋىن وزگەرتۋ جانە «2040 – تۇركى كەلەشەگى» باعدارلاماسىن دايىنداۋ تۋرالى باستامالارىنا نازار اۋداردى.
تۇركى كەڭەسىنىڭ باس حاتشىسى, قازاقستاندىق ديپلومات باعداد امىرەەۆ ءوز بايانداماسىندا حالىقارالىق قاۋىمداستىقتىڭ تۇركى كەڭەسىنە قىزىعۋشىلىعى ارتا تۇسكەنىن حابارلادى. وسىعان بايلانىستى, سىمك بارىسىندا ۇيىمعا باقىلاۋشى جانە سەرىكتەس مارتەبەسىن الۋ تۋرالى ەرەجەنىڭ قابىلدانۋىنىڭ ماڭىزدىلىعى اتاپ ءوتىلدى.
سونىمەن قاتار تاراپتار تۇركى كەڭەسىنىڭ 8-ءشى ءسامميتىنىڭ مەرزىمدەرى مەن وتكىزۋ ورنى بويىنشا ماسەلەلەردى تالقىلادى.
سىمك شەڭبەرىندە مينيستر م.تىلەۋبەردى تۇركىتىلدەس ەلدەردىڭ پارلامەنتتىك اسسامبلەياسىنىڭ باس حاتشىسى التىنبەك مامايۋسۋپوۆپەن ەكىجاقتى كەزدەسۋ وتكىزدى.
