ساپار اياسىندا ءۇندىستان مەملەكەتتىك قورعانىس مينيسترىمەن, ءۇندىستان قارۋلى كۇشتەرى باس شتابى باستىعىمەن جانە ونعا جۋىق ءىرى قورعانىس كاسىپورنىمەن كەزدەسۋلەر وتكىزىلدى.
تاراپتار اسكەري-تەڭىز سالاسىنداعى ىنتىماقتاستىقتى ودان ءارى تەرەڭدەتۋ جايىن تالقىلادى. اتاپ ايتقاندا, قازىرگى ۋاقىتتا ءۇندىستان قارۋلى كۇشتەرىنىڭ تەڭىز قارۋ-جاراعىن جوندەۋ جانە قىزمەت كورسەتۋ جۇمىستارىن جۇرگىزىپ جاتقان قازاقستاننىڭ س.م. كيروۆ اتىنداعى ماشينا جاساۋ زاۋىتى قىزمەتتەرىنىڭ ەكسپورتىن ارتتىرۋ تۋرالى ءسوز بولدى.
تاراپتار سونىمەن قاتار ساۋىتتى تانك تەحنيكاسى مەن زىمىراندىق-ارتيللەريالىق قارۋ-جاراقتى جوندەۋ جانە قىزمەت كورسەتۋ, سونداي-اق, قورعانىس قۇرالدارىن بىرلەسىپ ءوندىرۋ مۇمكىندىكتەرىن تالقىلادى.
كەلىسسوزدەر بارىسىندا قازاقستاننىڭ قورعانىس ونەركاسىبىنە ءۇندىستان ينۆەستيتسيالارىن تارتۋعا باسا نازار اۋدارىلدى.
بۇدان باسقا, ءۇندىستاننىڭ مەملەكەتتىك قورعانىس مينيسترىنە يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ 2020 جىلعى 28-31 مامىردا نۇر-سۇلتان قالاسىندا وتەتىن كادەكس-2020 كورمەسىنە قاتىسۋى تۋرالى شاقىرۋ حاتى تابىس ەتىلدى.
