بايقاۋ بارىسىندا ابايدىڭ مۇراسىنان ءنار العان جاستار اقىننىڭ ءبىلىم, عىلىم, ونەر, ماحاببات, ادامدىق تۋرالى ولەڭدەرىن وقىدى. «جەلسىز تۇندە جارىق اي», «جارق ەتپەس قارا كوڭىلىم نە قىلسا دا...» «كوزىمنىڭ قاراسى» اندەرىن اۋەلەتىپ شىرقادى. قاتىسۋشىلار اراسىندا ورىس, تاتار, ۋكراين, وزبەك, ۋردمۋرت, كورەي جاستارى بولدى.
بايقاۋ قورىتىندىسىندا اباي ولەڭدەرىن مانەرلەپ وقۋ نوميناتسياسى بويىنشا ليۋدميلا دەينا – جۇلدەلى ءى ورىندى يەلەندى. رۋسلانا حۆان – ءىى ورىنعا شىقسا, ءمادينا ارتاەۆا ءىىى ورىندى جەڭىپ الدى. اقىن اندەرىن ورىنداۋ بويىنشا الينا نۇرقاتوۆا ءى جۇلدەلىنى السا, ناتاليا ەۆسيۋكوۆا مەن اننا لاتىشوۆا - ءىى ورىنعا تۇراقتادى. ال ليليانا باتتالوۆا مەن حور ۇجىمى ءىىى ورىندى يەلەندى. وزگە قاتىسۋشىلار دا العىس حاتتارمەن, باعالى سىيلىقتارمەن ماراپاتالدى.
-الاش ارداقتىسى مىرجاقىپ دۋلاتوۆ: «ادەبيەتىمىزدىڭ نەگىزىنە قالانعان ءبىرىنشى كىرپىش – اباي ءسوزى, اباي اتى بولارعا كەرەك... ەڭ جوعارى, ارداقتى ورىن – ابايدىكى» دەگەن ەدى. بۇگىنگى جاستار اباي ءسوزىن وقىپ قانا قويماي, كوڭىلگە توقىپ, دانالىق ويلارىن جۇرەكپەن تۇسىنگەنىن ايقىن بايقاتتى. سوعان ريزامىز, دەيدى فيلولوگ عالىم, قاۋىمداستىرىلعان پروفەسسور ريتا سۇلتانعاليەۆا.
