ماسكەۋدەگى ۋچاسكەدە تانىمال قازاقستاندىق ستەنداپ-كوميك ەۆگەني چەباتكوۆ رەفەرەندۋمدا داۋىس بەرىپ,ء وزىنىڭ ازاماتتىق ۇستانىمىن تانىتاتىن ساتتەن قالىس قالعىسى كەلمەيتىنى ايتتى.
«بۇگىن عانا مەن چەليابينسكىدەن ۇشىپ كەلدىم جانە ۇيگە بارماي تۇرىپ, رەفەرەندۋمدا داۋىس بەرۋدى شەشتىم. وتانىمنان الىس, كوپ ۋاقىت ماسكەۋدە تۇرىپ جاتسام دا, مەنىڭ سانا-سەزىمىم قازاقستاندىق بولىپ قالا بەرەدى. قازىرگى تۇراقسىز جانە اۋمالى-توكپەلى زاماندا مەن مەملەكەت ومىرىنە قاتىستىلىعىمدى سەزىنىپ, ءوزىمنىڭ ازاماتتىق ۇستانىمىمدى تانىتاتىن ساتتەن قالىس قالعىم كەلمەيدى», دەپ پىكىرىن ءبىلدىردى ءارتىس.
ايتا كەتەيىك, ساعات 19:00-دەگى جاعداي بويىنشا شەتەلدە تۇراتىن قازاقستاندىقتار رەسپۋبليكالىق رەفەرەندۋمدا بەلسەندى داۋىس بەرىپ جاتىر. رەفەرەندۋمدا 54 ەلدە ورنالاسقان 71 رەفەرەندۋم ۋچاسكەسى جۇمىس اتقارىپ جاتىر.
