رەسپۋبليكالىق رەفەرەندۋمعا دايىندىق پەن ونى وتكىزۋ بارىسىن باقىلاۋ تۋرالى ايتا كەلە, بەلارۋس رەسپۋبليكاسى ۇلتتىق جينالىسى كەڭەسىنىڭ حالىقارالىق ىستەر جانە ۇلتتىق قاۋىپسىزدىك جونىندەگى تۇراقتى كوميسسياسىنىڭ مۇشەسى الەكساندر گوروشكين اۋقىمدى جۇمىس اتقارىلعانىن اتاپ ءوتتى.
ء«سىزدىڭ مەملەكەتىڭىزدىڭ ءاربىر ازاماتى ءوز پىكىرىن بىلدىرۋگە مۇمكىندىك الدى. بۇگىن تاڭەرتەڭنەن باستاپ استانا مەن وڭىرلەردەگى ۋچاسكەلەردە بولىپ, قازاقستان حالقى كونستيتۋتسيا قابىلداۋمەن كەلىسەتىنىن نەمەسە كەلىسپەيتىنىن بىلدىرۋگە, ياعني ءوز ويىن ايتۋعا تولىق مۇمكىندىگى بار ەكەنىنە كوز جەتكىزدىك», دەدى الەكساندر گوروشكين حالىقارالىق بايقاۋشىلارعا قولعابىس كورسەتۋ ورتالىعىندا وتكەن ءباسپاسوز كونفەرەنتسياسىندا.
ءوز كەزەگىندە رەسەي فەدەراتسياسىنىڭ قورعانىس جونىندەگى فەدەرالدى جينالىسىنىڭ مەملەكەتتىك دۋماسى كوميتەتىنىڭ توراعاسى اندرەي كارتاپولوۆ رەفەرەندۋمنىڭ وتۋىمەن قۇتتىقتادى.
ء«بىز ادامداردىڭ ءوز ەركىمەن كەلگەنىن كوردىك. ولاردى ەشكىم جىبەرگەن جوق. ولار جۇرەك قالاۋىمەن كەلدى», دەدى سپيكەر.
سونىمەن قاتار ۇجىمدىق قاۋىپسىزدىك تۋرالى شارت ۇيىمى پارلامەنتتىك اسسامبلەياسىنىڭ بايقاۋشىسى وڭىرلەردە ادامداردىڭ داۋىس بەرۋى ءسال وزگەشە وتەتىنىن ايتتى.
«ولار مەرەكەلىك كوڭىل كۇيمەن داۋىس بەرەدى. ءبىز بىرنەشە ۋچاسكەدە بولدىق. ءبىز بارعان ءاربىر ۋچاسكەدە ۋچاسكەلىك سايلاۋ كوميسسياسىنىڭ مۇشەلەرى ۇلتتىق كيىم كيگەن. بارلىق جەردە مۋزىكا ويناپ, ءتۇرلى انسامبلدەر ونەر كورسەتىپ جاتتى. ياعني داۋىس بەرۋگە كەلگەن ادام ءوز بولاشاعى ءۇشىن داۋىس بەرىپ جاتقانىن, ەلدىڭ دامۋى ءۇشىن ءوز تاڭداۋىن جاساپ جاتقانىن ءتۇسىنۋى ءۇشىن بارلىق جاعداي جاسالعان», دەدى اندرەي كارتاپولوۆ.
ءىىم رەسمي وكىلى: رەفەرەندۋم بارىسىندا قوعامدىق ءتارتىپتى بۇزۋ فاكتىلەرى تىركەلگەن جوق
سونداي-اق سپيكەر ۇقشۇ پا بايقاۋشىلارى تاراپىنان ەشقانداي زاڭ بۇزۋشىلىقتار تىركەلمەگەنىن ايتتى.
