2026 جىلعى 15 ناۋرىزدا تاڭعى ساعات 07:00-دە ەلدىڭ بارلىق وڭىرىندە داۋىس بەرۋگە ارنالعان 10 388 ۋچاسكە اشىلدى. ولار 13 ساعات بويى جۇمىس ىستەپ, كەشكى ساعات 20:00-دە جابىلدى.
ەندى ۋچاسكەلىك كوميسسيالار داۋىستاردى ساناۋعا كىرىسەدى. ودان كەيىن بيۋللەتەندەر جوعارى تۇرعان اۋماقتىق سايلاۋ كوميسسيالارىنا بەرىلەدى. سول جەردەن ولار ورتالىق رەفەرەندۋم كوميسسياسىنا (ورك) جولدانادى. رەفەرەندۋم ناتيجەلەرى 2026 جىلعى 21 ناۋرىزعا دەيىن جاريالانادى.
ساعات 10:00-دەگى مالىمەت بويىنشا 2 393 844 قازاقستاندىق بيۋللەتەن الدى, بۇل داۋىس بەرۋ قۇقىعى بار ازاماتتاردىڭ 19,21 پايىزىن قۇرادى.
ساعات 12:00-دە بۇل كورسەتكىش 4 677 595 سايلاۋشىعا جەتىپ, تىزىمگە ەنگىزىلگەن ازاماتتاردىڭ 37,54 پايىزىن قۇرادى.
ال ساعات 14:00-دەگى الدىن الا مالىمەتكە سايكەس, جاڭا كونستيتۋتسيا بويىنشا رەفەرەندۋم ءوتتى دەپ تانىلدى. وسى ۋاقىتقا دەيىن داۋىس بەرۋگە 6 471 378 قازاقستاندىق قاتىسىپ, بۇل تىزىمدەگى ازاماتتاردىڭ 51,93 پايىزىن قۇرادى.
ايتا كەتەيىك, رەفەرەندۋم داۋىس بەرۋگە قاتىسۋ قۇقىعى بار ازاماتتاردىڭ جارتىسىنان استامى قاتىسقان جاعدايدا ءوتتى دەپ ەسەپتەلەدى.
قازىرگى ۋاقىتتا 54 ەلدە ورنالاسقان 71 رەفەرەندۋم ۋچاسكەسى جۇمىس ىستەپ تۇر.
