شتاب وكىلدەرىنىڭ ايتۋىنشا, اقپاراتتىق الاڭنىڭ جۇمىسى بۇگىن تاڭعى ساعات 07:00-دە باستالعان. تىكەلەي ەفير ارقىلى قوعامدى جەدەل اقپاراتپەن قامتاماسىز ەتۋ ءۇشىن الدىن الا دايىندالعان ۇلكەن ماماندار توبى جۇمىس ىستەدى.
ايتا كەتۋ كەرەك, قازاقستاندا مۇنداي فورمات العاش رەت جۇزەگە اسىرىلدى – اقپاراتتىق شتاب ماڭىزدى ساياسي وقيعا كەزىندە باقىلاۋ بارىسى مەن ورىن الىپ جاتقان ۇدەرىستەر تۋرالى كۇنى بويى قوعامدى ناقتى ۋاقىت رەجيمىندە حاباردار ەتىپ وتىردى.
رەفەرەندۋم بارىسىندا ستۋديامەن تىكەلەي بايلانىسقا ەلدىڭ 15-تەن استام ءوڭىرىنىڭ وكىلدەرى شىعىپ, اقپاراتتى تىكەلەي جەرگىلىكتى جەرلەردەن جەتكىزدى.
جۇمىسقا 30-دان استام تاۋەلسىز جۋرناليست تارتىلدى. ولار ءبىر مەزەتتە بىرنەشە مىندەتتى اتقارىپ, جۋرناليست, وپەراتور جانە مونتاجيور رەتىندە جۇمىس ىستەدى. جۋرناليستەر سايلاۋ ۋچاسكەلەرىندەگى جاعدايدى جەدەل ءتۇسىرىپ, ماتەريالداردى ەفيرگە جولداپ وتىردى, وسىلايشا اقپاراتتىڭ تۇراقتى تۇردە جاڭارتىلىپ وتىرۋىن قامتاماسىز ەتتى.
جالپى حالىقتىق داۋىس بەرۋ بارىسىندا ەلەۋلى زاڭبۇزۋشىلىقتار انىقتالعان جوق. سونىمەن قاتار شتاب پەن ونىڭ تىلشىلەرىنىڭ مالىمەتىنشە, كۇنى بويى رەفەرەندۋمدى اقپاراتتىق تۇرعىدان جاريالاۋ بارىسىندا جالعان اقپارات نەمەسە ارانداتۋشىلىق فاكتىلەرى تىركەلمەگەن.
بايقاۋشىلار: رەفەرەندۋم بارىسىندا زاڭبۇزۋشىلىقتار تىركەلگەن جوق
جالپى العاندا, شتابتىڭ ترانسلياتسياسى 11 ساعاتتىق ۇزدىكسىز تىكەلەي ەفيردى قۇرادى. ەفير بارىسى مەن جەدەل قوسىلىمداردى 1 ميلليوننان استام پايدالانۋشى تاماشالاعان. ال شتابتىڭ ماتەريالدارى مەن پىكىرلەرى 20-دان استام بۇقارالىق اقپارات قۇرالدارىندا جاريالاندى.
شتاب وكىلدەرىنىڭ ايتۋىنشا, قوعامدىق-ساياسي ۇدەرىستەر تۋرالى وسىنداي جەدەل اقپارات بەرۋ فورماتى اشىقتىقتى ارتتىرۋعا جانە قوعاممەن اشىق ديالوگ ورناتۋ مۇمكىندىكتەرىن كەڭەيتۋگە ىقپال ەتەدى.
