پالاتا وكىلدەرى مەن اۋدان كاسىپكەرلەرىنىڭ كەزدەسۋىندە ايماقتا سالانى دامىتۋ باعىتىنداعى باستامالار جايلى دا, بيزنەستىڭ ماسەلەلەرى تۋرالى دا ايتىلدى.
اۋداندا كاسىپپەن اينالىسۋعا نيەتتى ازاماتتار قاتارى ۋاقىت وتكەن سايىن كوبەيىپ كەلە جاتقاندىعى بايقالادى. قازىر جۇمىس ىستەپ تۇرعان كاسىپكەرلىك سۋبەكتىلەرىنىڭ سانى 4302-گە جەتكەن.
بىلتىر اۋدانداعى 250 ازامات 106,7 ملن.تەڭگە مەملەكەتتىك قايتارىمسىز قارجىعا قول جەتكىزىپتى. سونداي-اق جالپى قۇنى 2 ملرد 255 ملن.تەڭگەنى بولاتىن 256 جوباعا مەملەكەتتىك باعدارلامالار اياسىندا جەڭىلدەتىلگەن نەسيە الىنعان.
وتكەن جىلى 600 قازالىلىق «باستاۋ», «جاس كاسىپكەر» جوبالارى بويىنشا وقىپ بىلىكتىلىكتەرىن جەتىلدىرسە, 169 تۇرعىن «بيزنەس-كەڭەسشى» وقۋ كۋرسىنا قاتىسقان.
