اباي • 05 اقپان، 2020

اباي ەسىمىن يەلەندى

246 رەت كورسەتىلدى

ورىس تىلىندە وقىتاتىن ور­تا مەك­تەپ فەدوروۆ اۋدا­نى­نىڭ ور­تالىعىندا ورنالاسقان.

عا­سىرعا جۋىق تاريحى بار ءبىلىم وشاعىنا 1934 جىلى لەيپتسيگ پرو­تسەسىنەن كەيىن كسرو-عا كەل­گەن بولگار رەۆوليۋتسياسى كوسەم­دەرىنىڭ ءبىرى گەورگيي ديمي­تروۆتىڭ ەسىمى بەرىلگەن. تاياۋ­دا مۇعالىمدەر ۇجىمى اباي قۇنان­باي ۇلىنىڭ 175 جىل­دى­عىنا وراي، مەكتەپ اتاۋىن وزگەرتۋ تۋرالى باس­تاما كوتەرگەن. ۇستازداردىڭ ۇسىنىسى قۇزىرلى ورگاندار تاراپىنان قولداۋ تاپتى. كەشە عانا وتكەن وبلىستىق ءماس­لي­حات وتىرىسىنىڭ شە­شىمىمەن فەدو­روۆتاعى ەكى بىردەي ءبىلىم مەكە­مەسىنىڭ اتاۋى وزگەرتىلدى. دي­مي­تروۆ اتىن­­داعى №1 مەكتەپ­كە اباي قۇنان­باي ۇلىنىڭ اتى بەرىلسە، №2 مەكتەپ ىبىراي ءال­تىن­­ساريننىڭ ەسىمىمەن اتالاتىن بولدى.

– قازاقتىڭ باس اقىنى اباي قۇنانباي ۇلى مۇراسىنىڭ ۇرپاق تاربيەسىندەگى ماڭىزى زور. سون­دىقتان ۇلى اقىننىڭ مەرەيتويى قارساڭىندا بۇكىل ۇجىم بولىپ يگى باستاما كو­تەرىپ، مەكتەپكە اباي اتىن بە­رۋ تۋرالى ۇسىنىس جاسادىق. بىز­دە ورىس مەكتەبى ورىس­شا، ال قا­زاق مەكتەبى قازاقشا اتالۋى كەرەك دەگەن قاتە تۇسىنىك بار. مى­سالى، ماكسيم گوركي اتىن­داعى ورىس مەكتەبى، سىرباي ماۋ­لەنوۆ اتىنداعى قازاق مەك­تەبى دەگەن سياقتى. قازىر قوعام وز­گەردى. اباي مۇراسى – بارشا قا­زاقستاندىقتارعا ورتاق قۇن­دىلىق. سوندىقتان الداعى ۋا­قىت­تا ارنايى ۇيىرمە اشۋ جوس­پاردا بار. بۇل وقۋشىلاردىڭ ۇلى اقىننىڭ شىعارماشىلىعىن عى­لىمي-تانىمدىق نەگىزدە تەرە­ڭىرەك مەڭگەرۋىنە مۇمكىندىك بەرەدى، – دەي­­دى مەكتەپ ديرەكتورى تاتيانا لەۆيت.

قوستاناي وبلىسىندا بۇعان دەيىن ۇلى اقىننىڭ اتىمەن اتا­لاتىن جالعىز-اق مەكتەپ بار ەدى. ول – وتكەن جىلى عانا مەك­تەپ-گيمنازيا مارتەبەسىن العان ارقالىقتاعى قازاق ءتىلىن تەرەڭ­دەتىپ وقىتاتىن ءبىلىم وشاعى.

نۇرقانات قۇلاباەۆ

قوستاناي

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار