ايماقتار • 03 اقپان، 2020

تۇركىستان: قوجا احمەت ياساۋي كەسەنەسى جارىقتاندىرىلادى

175 رەت كورسەتىلدى

تۇركىستان شاھارى وزىندىك دەربەس دامۋ ۇلگىسىندە، بىرنەشە باعىتتا كوركەيىپ كەلەدى. قالانىڭ تاريحي-مادەني ورتالىعى كونە كەزەڭنىڭ ساۋلەت ۇلگىسى رەتىندە سول قالپىن ساقتايدى. تۇركىستان زاماناۋي ۇلگىدەگى بىرەگەي جاڭا عيماراتتار بوي كوتەرگەن «اقىلدى قالاعا» اينالادى. بۇل ماسەلە تۇركىستان وبلىسىنىڭ اكىمدىگىندە ومىرزاق شوكەەۆتىڭ توراعالىعىمەن وتكەن اپپارات جيىنىندا تالقىلاندى.

قۇرىلىس قارقىن العان كيەلى شاھارداعى عيماراتتار، ساياباقتار، كوپىرلەر مەن اللەيالار ءبىر ۇلگىدە جارىقتاندىرىلىپ، جاڭا كەيىپكە ەنەدى. جوبا الداعى بىرنەشە ايدىڭ ىشىندە جۇزەگە اسىپ، قالاعا قايتالانباس رەڭك بەرەدى. تۇركىستان قالاسىنىڭ سيمۆولىنا اينالعان قوجا احمەت ياساۋي كەسەنەسى دە جارىقتاندىرىلادى. تۋريستەر ءۇشىن ەرەكشە تارتىمدى نىسانداردىڭ بۇكىلالەمدىك تىزىمىنە كىرگەن قاسيەتتى مەكەننىڭ قابىرعالارى الىستان جارقىراپ كوزگە تۇسەتىن بولادى.

جينالىستا وبلىستىق ماڭىزى بار جولدارعا قاتىستى ماسەلەلەر دە كوتەرىلدى. تۇركىستان وبلىسىندا جالپى قاشىقتىعى 4 مىڭ شاقىرىم جول بولسا، بىلتىر ونىڭ 1270 شاقىرىمى جوندەلىپ، پايدالانۋعا تاپسىرىلعان. 2020 جىلى 869،8 شاقىرىم جول جوندەۋدەن وتەدى دەپ كۇتىلۋدە. 2021 جىلى وبلىستىق جانە اۋداندىق ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسىن 81،4 پايىزعا دەيىن ۇلعايتۋ كوزدەلگەن. اپپارات جيىنىندا وبلىس باسشىسى ومىرزاق شوكەەۆ كۇردەلى جوندەۋگە كەتەتىن ۋاقىت پەن قاراجاتتى ۇنەمدەۋدى، ءوڭىر كليماتىنا ءتوزىمدى سانالاتىن بەتكى قاباتى ءبۇدىرلى جولداردىڭ قاتارىن كوبەيتۋدى تاپسىردى.

«Nur Otan» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ «قامقورلىق» كەشەندى باعدارلاماسى جۇرتشىلىق تاراپىنان جوعارى باعالانعانىن اتاپ ءوتتى. تۇرمىس تاۋقىمەتىن تارتىپ، قيىن جاعدايدا قالعان وتباسىلاردى قولداۋ باعىتىنداعى باعدارلاما اياسىندا بارلىق اۋدان، قالالاردا جەرگىلىكتى اتقارۋشى ورگان وكىلدەرى، اۋداندىق ءماسليحات دەپۋتاتتارى، باستاۋىش پارتيا ۇيىمدارى توراعالارى جانە جەكە كاسىپكەرلەردىڭ قاتىسۋىمەن قايىرىمدىلىق شارالارى ءوتىپ جاتىر. 10 كۇندە الەۋمەتتىك سالاعا جاۋاپتى باسقارما جانە اۋدان، قالا اكىمدىكتەرى جانە پارتيا فيليالى ارقىلى 700-دەي وتباسىعا كومەك كورسەتىلگەن.

مۇقتاج جاندار قاجەتتى ازىق-ت ۇلىكپەن جانە كيىم-كەشەكپەن، كومىرمەن قامتاماسىز ەتىلىپ، 1 ازاماتقا مۇگەدەك ارباسى بەرىلدى. وتىرار اۋدانىندا 2 تۇرمىسى تومەن وتباسىعا دەمەۋشىلەر ەسەبىنەن تۇرعىن ۇيلەر ساتىپ الىپ بەرىلدى. وسى اۋداندا كومەككە ءزارۋ وتباسىلارعا 2 باس ۇساق مال (قوي) تاراتىلعان. سايرام اۋدانى، قاراسۋ اۋىلىندا تۇراتىن كوپبالالى ابدۋاليەۆتەر وتباسىنا كاسىپكەرلەر كومەگىمەن تۇرعىن ءۇي سالىپ بەرگەن. مۇمكىندىگى شەكتەۋلى جاندار پاتەر جالداپ كەلگەن.

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

ۇقساس جاڭالىقتار