قازاقستان • 02 اقپان، 2020

قازاقستان ءوز ازاماتتارىن ۋحاننان ەۆاكۋاتسيالادى

219 رەتكورسەتىلدى

2020 جىلدىڭ 2 اقپانىندا قازاقستان رەسپۋبليكاسى ازاماتتارىنىڭ دەنساۋلىق قاۋىپسىزدىگىن قامتاماسىز ەتۋ ماقساتىندا قر دسم ۇلتتىق شۇعىل مەديتسينا ۇيلەستىرۋ ورتالىعى ەلىمىزگە 83 قازاقستاندىقتى، ونىڭ ىشىندە قحر ۋحان قالاسىندا جۇرگەن 80 ستۋدەنتتى جەتكىزدى. بۇل تۋرالى primeminister.kz حابارلادى.

ۇشۋ بارىسىندا ءبىزدىڭ ازاماتتارىمىزدى بارلىق قورعاۋ قۇرالدارىمەن قامتاماسىز ەتىلگەن قازاقستاندىق دارىگەرلەر سۇيەمەلدەدى.

دەنساۋلىق جاعدايى تەكسەرىلگەننەن كەيىن ەلگە ورالعان ازاماتتار قالادان 7 شاقىرىم جەردە ورنالاسقان ەلوردانىڭ كوپبەيىندى اۋرۋحاناسى جانىنداعى ينفەكتسياعا قارسى ارنايى بولىنگەن كورپۋستا 14 كۇندىك كارانتينگە جاتقىزىلدى.

كلينيكا ينفەكتسيالىق قاۋىپسىزدىكتىڭ قاجەتتى تەحنولوگيالارىمەن، زاماناۋي دياگنوستيكالىق، ەمدىك جانە رەانيماتسيالىق قۇرالدارمەن جابدىقتالعان، ءتيىستى مەديتسينالىق قىزمەتكەرلەرى بار.

مەديتسينالىق مەكەمەدە ەۆاكۋاتسيالانعان ازاماتتار قوسىمشا تەكسەرۋدەن، ءبىرىنشى كەزەكتە، كوروناۆيرۋستىق ينفەكتسياعا تەستىلەۋدەن وتەدى.

كارانتين كەزەڭى كەزىندە ەلگە كەلگەن ادامدارمەن تەك اسا قاۋىپتى ينفەكتسيالارمەن جۇمىس ىستەۋ تاجىريبەسى بار مەديتسينالىق پەرسونال عانا بايلانىستا بولادى.

ەلگە جەتكىزىلگەن ازاماتتاردىڭ تۋعان-تۋىستارى مەن جاقىندارى حاباردار ەتىلدى جانە ولار كارانتيندىك كەزەڭنىڭ رەگلامەنتىمەن تانىستىرىلدى.

مەملەكەت باسشىسىنىڭ تاپسىرماسى بويىنشا قحر-عا 13،6 توننا كولەمىندە مەديتسينالىق بۇيىمدار تۇرىندە گۋمانيتارلىق كومەك جەتكىزىلدى.

قىرعىزستان رەسپۋبليكاسى، بەلارۋس رەسپۋبليكاسى جانە ارمەنيا رەسپۋبليكاسى بيلىكتەرىنىڭ ءوتىنىشى بويىنشا وسى ەلدەردىڭ دە ازاماتتارى قحر ۋحان قالاسىنان ەۆاكۋاتسيالاندى.

بارلىق قاجەتتى اقپاراتتى ۇسىنۋ ءۇشىن تاۋلىك بويى 1406 سall-ورتالىعى جۇمىس ىستەيدى.

ۇكىمەت جانىنداعى قازاقستان اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا ازاماتتاردى جالعان اقپاراتتى تاراتپاۋعا، اقپاراتتاردى رەسمي دەرەك كوزدەرىنەن الۋعا شاقىردى.

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار