قازاقستان پرەمەر-ءمينيسترى اسقار مامين, ارمەنيا رەسپۋبليكاسىنىڭ پرەمەر-ءمينيسترى مگەر گريگوريان, بەلارۋس رەسپۋبليكاسىنىڭ پرەمەر-ءمينيسترى سەرگەي رۋماس, مولدوۆا رەسپۋبليكاسىنىڭ پرەمەر-ءمينيسترى يون كيكۋ, رەسەي فەدەراتسياسىنىڭ پرەمەر-ءمينيسترى ميحايل ميشۋستين, قىرعىز رەسپۋبليكاسىنىڭ ۆيتسە-پرەمەر-ءمينيسترى جەنيش رازاكوۆ «قالا ءۇشىن ۇزدىك ات-جوبا», «ۇزدىك ستارتاپ-جوبا», «Big Data — ۇزدىك كومپانيا», «مەملەكەتتىك سەكتورداعى ۇزدىك ات-جوبا», «ات بويىنشا جىل ايەلى», «جىلدىڭ ات-چەمپيونى» نوميناتسيالارى بويىنشا سىيلىقتاردى تابىستادى.
فورۋم الاڭىندا ەرەكشە كورمە ءوتتى, وندا قازاقستاندىق ستارتاپتار مەن ات-چەمپيوندار وزدەرىنىڭ بىرەگەي جوبالارىن ۇسىندى.
ۇسىنىلعان جوبالاردىڭ ءبىرى — Kazdream Technologies كومپانياسى اۋقىمدى دەرەكتەر مەن جاساندى زەردە نەگىزىندەگى جوبالاردى ازىرلەۋمەن اينالىسادى. كومپانيا ۇيالى بايلانىس وپەراتورلارىنىڭ, الەۋمەتتىك جەلىلەردىڭ, مەملەكەتتىك دەرەكتەر قورىنىڭ مالىمەتتەرىن جەكە دەرەكتەرگە بايلانىسسىز كىرىكتىرەدى جانە ساراپتاما جاسايدى, ونىڭ مەملەكەتتىك ورگاندار ءوز جۇمىسىندا پايدالانادى.
كومپانيانىڭ نەگىزىن قالاۋشى داۋرەن تولەباەۆ كومپانيا قۇرۋ يدەياسى قالاي تۋىنداعانىن ايتىپ بەردى.
«مەن – دەرەكتەر فاناتىمىن. مەن دەرەكتەردى, ولاردى ساراپتاعاندى, ولاردى جيناقتاعاندى جاقسى كورەمىن. مەن ءۇشىن دەرەكتەر كوپ بولعان سايىن مەن سونشالىقتى باقىتتىمىن. سەن نەعۇرلىم بۇل دەرەكتەردى كوبىرەك الساڭ, سوعۇرلىم جاقسى. مەن ءبىزدىڭ جوبالاردى دەرەكتەردىڭ ء“نارىن جيناۋشى” دەپ اتايمىن. باسقاشا ايتقاندا, دەرەكتەردى الىپ, شىرىنسىققىشقا سالىپ, ناتيجەسىندە پروتسەستەردى اۆتوماتتاندىرۋعا كومەكتەسەتىن جوبالار الامىز», — دەدى د. تولەباەۆ.
سونىمەن قاتار كورمەدە CTO & Project Manager كومپانياسى ۇسىنىلدى, ول ادامنىڭ ءجۇزىن تانۋ ارقىلى ۋاقىتتى ەسەپكە الۋ جانە قولجەتىمدىلىكتى باقىلاۋ بويىنشا باعدارلامالىق قامتۋدى ازىرلەگەن.
«كەلۋشىلەر, قىزمەتكەرلەر مەن كليەنتتەر ءۇشىن نىساندارعا كىرۋ GPS-كوورديناتتاردى ساقتاۋمەن ءموبيلدى قوسىمشا ارقىلى لوكاتسيادان تىس بيومەتريالىق ەسەپتەگىش ارقىلى باقىلانادى. بارلىق دەرەكتەر “بۇلتتا” جينالادى جانە كليەنت كەز كەلگەن ۋاقىتتا الەمنىڭ كەز كەلگەن نۇكتەسىنەن كىرىپ, ءوز قىزمەتكەرلەرىنىڭ كەلۋ ستاتيستيكاسى مەن ساراپتاماسىن تەكسەرە الادى», — دەدى كومپانيا وكىلى ارمان ەرنازاروۆ.
