«جاڭا كوروناۆيرۋس ەپيدەمياسى شىققاننان بەرى حوك FIS, حالىقارالىق دەنساۋلىق ساقتاۋ ۇيىمى مەن 2022 جىلعى بەيجيڭ ۇيىمداستىرۋ كوميتەتى, سونداي-اق قىتاي دەنساۋلىق ساقتاۋ ۇيىمدارىمەن تىعىز قارىم قاتىناستا. وكىنىشكە قاراي, يانتسين قالاسىنداعى الەم كۋبوگىن وتكىزبەۋ تۋرالى شەشىم قابىلداندى. بۇل 2022 جىلعى وليمپيادا ويىندارىنا ارنالعان تاۋ شاڭعىسىنان العاشقى تەستتىك جارىس بولاتىن.
يانتسيندە قاۋىپ از بولعانىنا قاراماستان, سپورتشىلاردىڭ دەنساۋلىعى مەن قاتىسۋشىلاردىڭ اماندىعى باستى نازاردا. سونىمەن قاتار, سپورتشىلار باسقا نارسەگە كوڭىل اۋدارماي, جاڭا ءارى قيىن جولعا نازار سالعاندارى ابزال. 16-20 قاڭتار ارالىعىندا يانتسيندەگى وليمپياداعا ارنالعان جولدا 14-ءشى قىتاي ۇلتتىق قىسقى ويىندارى ءساتتى وتكىزىلدى. جەرگىلىكتى دوداعا تەحنيكالىق ساراپشىلار مەن FIS مەديتسينالىق ماماندارى قاتىسىپ, جاڭا جولدىڭ جاعدايىنا, جارىستىڭ ۇيىمداستىرىلۋىنا باعا بەرىپ كەتتى.
ايەلدەر اراسىنداعى Audi FIS الەم كۋبوگى جىلدامدىقپەن ءتۇسۋ جانە سۋپەرگيگانت بويىنشا تەستتىك جارىستار 2021 جىلدىڭ ناۋرىز ايىنا جوسپارلانعان. بەيجيڭ قىسقى وليمپياداسىنا ارنالعان ەرلەر اراسىنداعى تەستتىك باسەكەنى ۇيىمداستىرۋ ءۇشىن بارلىق شارالار قولدانىلادى», دەلىنگەن حاتتا.
حالىقارالىق وليمپيادالىق كوميتەتى (حوك) الەم كۋبوگىنىڭ كەيىنگە شەگەرىلگەنىن قولداپ, سپورتشىلاردىڭ, قاتىسۋشىلاردىڭ دەنساۋلىعى ءبىرىنشى ورىندا ەكەنىن اتاپ ءوتتى. ايتا كەتەرلىگى, كوروناۆيرۋس ەپيدەمياسىنا بايلانىستى قىتايدا بوكستان ازيالىق كۆاليفيكاتسيالىق ءتۋرنيرى شەگەرىلگەن بولاتىن.
