شارۋاشىلىقتىڭ دايىن ونىمىمەن تانىسقان شاھار باسشىسى كليماتتىڭ قولايلىلىعىن پايدالانىپ, وتاندىق جانە شەتەلدىك نارىققا جەرگىلىكتى كوكونىستەردى كوپتەپ شىعاۋ كەرەك ەكەندىگىن ايتتى.
نەگىزىنەن قيار وسىرۋمەن اينالىساتىن جىلىجايدىڭ جالپى اۋماعى 3 گەكتاردى الىپ جاتىر. مۇندا «تريستان» دەپ اتالاتىن قياردىڭ العاشقى ءونىمىن جيناۋ بىرەر كۇندە باستالادى دەپ كۇتىلۋدە. ءبىرىنشى اينالىمنان الىناتىن 750 توننا ءونىمدى سولتۇستىك اۋماقتار مەن رەسەيگە جونەلتۋ جوسپارلانعان.
جالپى ينۆەستيتسيا كولەمى 900 ملن تەڭگەنى قۇراسا, ونىڭ ىشىنەن 700 ملن تەڭگەسى جەڭىلدەتىلگەن نەسيەمەن قامتاماسىز ەتىلىپ, 175 ملن تەڭگە مەملەكەت تاراپىنان سۋبسيديالانعان.
جىلىجاي كەشەنىن سالۋ جوباسى 2019 جىلى جۇزەگە اسىرىلىپ, وندا 10 ادام تۇراقتى, 20 ادام اۋىسپالى جۇمىس ورنىمەن قامتىلعان. سونىمەن قاتار, مۇنداعى جىلىجاي ونىمدەرىن ءبىر ورتالىققا جيناۋ ارقىلى ءوزارا كووپەراتسيا قۇرىپ, دەلدالداردىڭ قاتىسۋىنسىز رەسەيگە تىكەلەي ەكسپورتتاۋ كوزدەلۋدە.
