ءبىلىم وشاعىنىڭ ۇستازدارى ءوز شاكىرتتەرىنىڭ ۇسىنىسىنا قولداۋ ءبىلدىرىپ, شاھارىمىزداعى «اقىلتاي» بالاباقشاسىنىڭ اۋلاسىن قالىڭ قاردان تازارتۋعا بىرلەسە اتسالىسقان ەكەن. بۇل ىسكە زياتكەرلىك مەكتەپ تاراپىنان 30-عا جۋىق پەداگوگى مەن 100-گە تارتا جوعارى سىنىپ وقۋشىسى بىلەك سىبانا كىرىسىپتى.
بيىل ەلىمىزدە قار مولشەرى جىلداعىدان ارتىعىمەن ءتۇسىپ وتىر. وسىعان بايلانىستى رەسپۋبليكامىزدىڭ تۇكپىر-تۇكپىرىندە ء«بىز بىرگەمىز» چەللەندجى ءوتىپ جاتىر. شاكىرتتەرىمىز وسى شاراعا بىزدە قاتىسالىق دەگەن ۇسىنىسىنا وراي مەكتەپ باسشىلىعى, ۇجىم بولىپ قولۇشىن بەرۋ كەرەك دەپ شەشتىك. سونىڭ ناتيجەسىندە قاجەتتى قۇرال-سايماندار مەن تەحنيكانى ءوزىمىز اكەلىپ, بەرىلگەن جەردى تازالاۋ جۇمىستارىن جۇرگىزۋدەمىز, - دەيدى مەكتەپ ديرەكتورىنىڭ ورىنباسارى لاريسا ابىلقاسىموۆا.
جىل بويى ءتۇرلى شارالاردان شەت قالماي, بالاباقشا ومىرىنە بەلسەندى قاتىساتىن وقۋشىلار بۇلدىرشىندەردىڭ اۋلادا ەمىن-ەركىن سەرۋەندەپ, الاڭداردا ويناۋلارىنا جاعداي جاساۋ ءۇشىن بارىن سالىپ, كومەكتەسۋگە ارقاشاندا دايار ەكەندىكتەرىن جەتكىزدى.
رەسپۋبليكالىق دەڭگەيدە قولداۋ تاپقان چەللەندجى پاۆلودار قالاسىنداعى زياتكەرلىك مەكتەپتەن قابىل العان سەمەيلىكتەر ونى جالعاستىرۋدى شاھارىمىزداعى №7, 19, 22, 31, 39 سەرىكتەس ءبىلىم مەكەمەلەرى مەن قاراعاندىداعى زياتكەرلىك مەكتەپكە جولدادى.
