بۇگىنگى كۇنى اۋداندا 2 جوعارى وقۋ ورنى, 7 كوللەدج, 19 مەكتەپ, 14 مەملەكەتتىك بالاباقشا جۇمىس ىستەيدى.
«بيىل اباي قۇنانباي ۇلى اتىنداعى 900 ورىندىق № 87 مەكتەپ اشىلدى. اعىمداعى جىلى س. سەيفۋللين جانە سىرداريا كوشەلەرىنىڭ قيىلىسىندا 900 ورىندىق مەكتەپتىڭ قۇرىلىسى اياقتالۋدا. سونداي-اق № 23, 31, 34 مەكتەپتەرگە 600 ورىندىق قوسىمشا قۇرىلىس سالۋ جوسپارلانۋدا. سونىمەن قاتار «كيرپيچنىي» تۇرعىن ءۇي الابىنداعى №12 مەكتەپكە قوسىمشا قۇرىلىس سالۋ جوسپارلانۋدا», - دەدى ەرلان جاۋلىباەۆ.
ونىڭ ايتۋىنشا, «مەكتەپكە جول» رەسپۋبليكالىق اكتسياسى اياسىندا كوپ بالالى جانە از قامتىلعان وتباسىلاردان شىققان بالالارعا جاڭا وقۋ جىلىنا دايىندالۋعا كومەك كورسەتىلدى. 25 كاسىپكەر دەمەۋشىلىك ءبىلدىرىپ, 497 بالا وقۋعا قاجەتتى قۇرال-جابدىقپەن قامتىلدى. كەزدەسۋ بارىسىندا ول وتكەن جىلى تۇرعىنداردان 15 مىڭنان استام ءوتىنىش قارالعانىن اتاپ ءوتتى. قالا تۇرعىندارىن تكش, اۋماقتى اباتتاندىرۋ, پيك جۇمىستارى مەن الەۋمەتتىك ماسەلەلەر تولعاندىردى.
سونىمەن قاتار, ەرلان جاۋلىباەۆ اعىمداعى جىلى «بايقوڭىر» اۋدانىندا قورشاعان ورتانى قورعاۋ جانە تابيعاتتى پايدالانۋ باسقارماسىمەن بىرلەسە وتىرىپ, اقبيداي كوشەسى, 11, تايبۇرىل كوشەسى, 9ا جانە اباي داڭعىلى بويىندا ءۇش ساياباقتىڭ قۇرىلىسى جوسپارلانعانىن حابارلادى.
«وتكەن جىلى شوب, مەملەكەتتىك ۇيىمدار, كوممۋنالدىق كاسىپورىندار, پيك جانە بەلسەندى تۇرعىنداردىڭ قاتىسۋىمەن 3 200 اعاش وتىرعىزىلدى, 12 600 بۇتا جانە 700 قۋما مەتر ءتىرى قورشاۋ وتىرعىزىلدى», - دەدى ەرلان جاۋلىباەۆ.
