«Amazon Web Services» ۇكىمەتتى ترانسفورماتسيالاۋ جونىندەگى ديرەكتورى ل. ماكسۆەللمەن كەزدەسۋدە ۇكىمەت باسشىسى كومپانيا باسشىلىعىن Astana IT University-مەن كادرلار دايارلاۋ بويىنشا ىنتىماقتاستىقتى دامىتۋعا, سونداي-اق Astana IT Hub بازاسىندا جوبالاردى جۇزەگە اسىرۋعا شاقىردى.
ۇلىبريتانيانىڭ مەملەكەتتىك تسيفرلىق قىزمەتىنىڭ ديرەكتورى ك. فەرگيۋسونمەن كەلىسسوزدەر بارىسىندا مەملەكەتتىك قىزمەت كورسەتۋ سالاسىن, سالىق جۇيەسىن تسيفرلاندىرۋ, مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ, سونداي-اق ات-ماماندارىن دايارلاۋ مەن ولاردىڭ بىلىكتىلىگىن ارتتىرۋ بويىنشا تاجىريبە الماسۋ ماسەلەلەرى قارالدى.
بۇۇ بالالار قورىنىڭ (يۋنيسەف) يننوۆاتسيالار جونىندەگى اعا كەڭەسشىسى ك. فابيانمەن كەزدەسۋدە ورتا ءبىلىم بەرۋ مەكتەپتەرىن ينتەرنەتكە جوعارى جىلدامدىقتى قولجەتىمدىلىكپەن قامتاماسىز ەتۋگە جانە يننوۆاتسيالىق ستارتاپتاردى دامىتۋعا باعىتتالعان GIGA باستاماسىن ىسكە اسىرۋ بويىنشا قازاقستاندا يۋنيسەف-ءتىڭ وڭىرلىك حابىن اشۋ پەرسپەكتيۆالارى تالقىلاندى.
