قازاقستان • 30 قاڭتار، 2020

قازاقستاندىق عالىم بەيبىتشىلىك گرانتىنا يە بولدى

52 رەت كورسەتىلدى

«بەيبىتشىلىك پەن قاۋىپسىزدىككە ارنالعان عىلىم» دەپ اتالاتىن ناتو باعدارلاماسىنىڭ شەڭبەرىندە قازاقستاندىق عالىم لاۋرا كەنجينا ارنايى گرانت جەڭىپ الدى. ونىڭ ەڭبەگى «رادياتسيالىق جانە يادرولىق توتەنشە جاعدايلار كەزىندە سۇرىپتاۋدىڭ جاڭا بيولوگيالىق جانە فيزيكالىق ادىستەرى» تاقىرىبىن قامتىدى.

لاۋرا كەنجينا جەتەكشىلىك ەتەتىن قازاقستان رەسپۋبليكاسى ۇلتتىق يادرولىق ورتالىعىنداعى  رادياتسيالىق قاۋىپسىزدىك جانە ەكولوگيا ينستيتۋتىنىڭ قىزمەتكەرلەرى ۇنەمى وزدەرىنىڭ جەتىستىگىمەن ەرەكشەلەنەدى. ولاردىڭ بيودوزيمەتريالىق جانە ەپيدەميولوگيالىق زەرتتەۋلەر توبى حالىقارالىق دەڭگەيدە تاجىريبەلىك ىنتىماقتاستىقتى دامىتىپ، ىسكە اسىرۋدا. سونداي-اق عىلىمي تەحنولوگيالار مەن يننوۆاتسيالاردىڭ قاۋىپسىزدىگىنە بايلانىستى عىلىمي الەۋەتتى قۇرۋ ارقىلى ناتو ەلدەرى مەن ارىپتەس ەلدەر اراسىنداعى ديالوگتى كەڭەيتۋگە ىقپال ەتۋدە.

گرانتتىڭ تۇساۋكەسەرى بريۋسسەلدەگى ناتو-نىڭ شتاب-پاتەرىندە ءوتتى. ايتا كەتۋ كەرەك، ناتو-نىڭ نەگىزگى باسىم باعىتى مەن ستراتەگيالىق مىندەتتەرىنىڭ ءبىرى – حيميالىق، بيولوگيالىق، راديولوگيالىق جانە يادرولىق سوعىستى بولدىرماۋ. عىلىمي زەرتتەۋلەر ناتو ەلدەرىنىڭ بىرنەشە عىلىمي-زەرتتەۋ مەكەمەسىمەن، اتاپ ايتقاندا، يتاليانىڭ ەكى ينستيتۋتىمەن جانە حورۆاتيا ينستيتۋتىمەن ءوزارا ارىپتەستىكتە جۇزەگە اسىرىلاتىن بولماق.

گرانت شەڭبەرىندە رادياتسيالىق وقىس وقيعالارعا بايلانىستى توتەنشە جاعدايلارعا دايىن بولۋ ماسەلەسى جوسپارلانۋدا. ادام دەنساۋلىعىنا زيان كەلتىرەتىن سالداردىڭ الدىن الۋ ءۇشىن ەرتەرەك جانە جىلدام ارەكەت ەتۋ ماڭىزدى. بۇل ءىس-شارالار اتوم ەنەرگياسى جونىندەگى حالىقارالىق اگەنتتىك پەن دۇنيەجۇزىلىك دەنساۋلىق ساقتاۋ ۇيىمى بەكىتكەن قاۋىپسىزدىك تالاپتارىنىڭ اجىراماس بولىگى بولىپ تابىلادى.

جوسپارلانعان گرانتتىڭ ءىس-شارالارىنا سايكەس 3 جىل بويى قازاقستاندىق ماماندار ەۋروپانىڭ جەتەكشى زەرتتەۋ ورتالىقتارىندا وقىتىلاتىن بولدى.

 

Cەمەي-كۋرچاتوۆ

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار