ايماقتار • 29 قاڭتار، 2020

دەنساۋلىق ساقتاۋ سالاسىنداعى سىبايلاستىق انىقتالدى

173 رەتكورسەتىلدى

ماڭعىستاۋ وبلىستىق دەنساۋلىق ساقتاۋ مەكەمەلەرىنىڭ قىزمەتىندەگى زاڭسىزدىقتار بويىنشا جۇرگىزىلگەن سوتقا دەيىنگى تەرگەپ-تەكسەرۋ ناتيجەسىمەن قىلمىستىق قۇقىق بۇزۋشىلىق جاساۋعا ىقپال ەتكەن ءمان-جايلاردى جانە باسقا دا زاڭ بۇزۋشىلىقتاردى جويۋ ماقساتىندا سىبايلاس جەمقورلىققا قارسى قىزمەت دەپارتامەنتىنەن وبلىستىق دەنساۋلىق ساقتاۋ باسقارماسىنا ۇسىنىس ەنگىزىلدى.

بۇل تۋرالى ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ ءباسپاسوز قىزمەتى حابارلادى.

بۇل ۇسىنىستى ەنگىزۋگە نەگىز بولعان كەلەسىدەي ءمان-جايلار:

وتكەن جىلدىڭ قىركۇيەك ايىنان باستاپ مەملەكەتتىك بيۋدجەتتەن ماڭعىستاۋ وبلىسى بويىنشا «الەۋمەتتىك مەديتسينالىق ساقتاندىرۋ قورى» فيليالىنا رەسپۋبليكالىق بيۋدجەتتەن 37 ملن تەڭگە بولىنگەن.

وسى بولىنگەن قاراجاتتىڭ باستى ماقساتى – قىمبات زەرتتەۋلەردى جۇزەگە اسىرۋ، سونىڭ ىشىندە ونكولوگياعا سەزىگى بار ناۋقاستاردىڭ الدىن-الۋعا ارنالعان ماگنيتتىك-رەزونانستىق توموگرافيالاردا جانە كومپيۋتەرلىك توموگرافيالاردا تەگىن ءتۇسىرۋ.

ءوز كەزەگىندە، وبلىستىق ونكولوگيالىق ديسپانسەر كوزدەلگەن شارانى جۇزەگە اسىرۋ ماقساتىندا وتكەن جىلدىڭ قىركۇيەك ايىنان باستاپ جەلتوقسان ايىنا دەيىن ءوزارا كەلىسىمشارت نەگىزىندە «Inivivo» زەرتحانالىق لابوراتورياسىنا ءاربىر كومپيۋتەرلىك جانە ماگنيتتىك-رەزونانستىق توموگرافيالارعا تۇسكەن ادامدار ءۇشىن اقشا اۋدارىپ وتىرعان.

الايدا، اتالمىش «Inivivo» زەرتحانالىق لابوراتورياسىنىڭ قىزمەتكەرى ونكولوگياعا سەزىگى بار ناۋقاستاردى ماگنيتتىك-رەزونانستىق توموگرافياعا تەگىن ءتۇسىرۋ كەرەكتىگىن بىلە تۇرا وسى زەرتتەۋدەن وتۋگە كەلگەن ادامداردان (ناۋقاستاردان) الداۋ جولىمەن اقشا الىپ، ونى يەمدەنىپ وتىرعان.

وسىعان وراي سىبايلاس جەمقورلىققا قارسى قىزمەت دەپارتامەنتىمەن قازىرگى تاڭدا سوتقا دەيىنگى تەرگەۋ جۇرگىزىلۋدە.

الداعى ۋاقىتتا وسى ۇسىنىس بويىنشا قابىلدانعان شەشىم جايىندا جاريالاناتىن بولادى.

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار