ءىس-شارا بارىسىندا كىتاپحانا ماماندارى قازاقستان ەلى اتا-بابالارىمىزدىڭ باي تاريحى مەن مادەني مۇراسىنىڭ يەسى ەكەنىن, ءوز تاريحىڭدى زەرتتەۋ ارقاشان بارلىق ۋاقىتتا وزەكتى بولىپ قالاتىنىن جەتكىزدى. جانە دە بيىل قازاق مەملەكەتتىگىنە 555 جىل تولاتىنىن, وسى كۇندى تويلاۋ بۇگىنگى كۇننىڭ ۇلكەن جەتىستىگى بولىپ تابىلاتىنىن اتاپ ءوتتى.
كىتاپحاناشىلار 1465 جىلى كەرەي مەن جانىبەك باستاعان قازاق مەملەكەتتىگى مەن العاشقى حاندىقتىڭ قۇرىلۋى كەزىندە اتا-بابالارىمىزدىڭ باسىنان كەشكەن باتىل ءىس-ارەكەتتەرى تۋرالى اڭگىمەلەدى. بۇدان كەيىن قاتىسۋشىلار ەكى توپقا ءبولىنىپ, ۇسىنىلعان وقيعالار مەن شايقاس سيپاتتامالارى بويىنشا ۇزىندىلەردى وقىپ, ۇرىس دالاسىنىڭ ورنى مەن جەر اتاۋلارىن انىقتادى. سونىمەن قاتار تاريحي تۇلعالاردىڭ پورترەتتەرىنىڭ سيپاتتاماسىن وقي وتىرىپ, قازاق حاندارى مەن باسقارۋشىلارىنىڭ ەسىمدەرىن تاپتى.
سەمەي قالاسىنىڭ ورتالىقتاندىرىلعان كىتاپحانا جۇيەسى ماماندارىنىڭ ايتۋىنشا, قازاق حالقىنىڭ تاعدىرى تۋرالى تولعانا كەلە, قاتىسۋشىلار «قازاق حاندىعىنىڭ قۇرىلۋى», «قازاق ەلى» اتتى بەينەروليكتەر مەن قازاق حاندىعىنىڭ تاريحى تۋرالى دەرەكتى فيلمنەن ۇزىندىلەردى قىزىعۋشىلىقپەن تاماشالاعانى ۇيىمداستىرۋشىلارعا دا ەرەكشە اسەر قالدىرىپ وتىر.
ءىس-شارا سوڭىندا «قازاق حاندىعى - اتا جول تاريحى» اتتى كىتاپ كورمەسىنە شولۋ جاسالدى.
سەمەي
