ءىس-شاراعا سونداي-اق ەو-نىڭ سىرتقى ىستەر جانە قاۋىپسىزدىك ماسەلەلەرى جونىندەگى جوعارعى وكىلى جوزەپ بوررەلل, تۇرىكمەنستان ۆيتسە-پرەمەرى - سىرتقى ىستەر ءمينيسترى راشيد مەرەدوۆ, قىرعىزستان سىرتقى ىستەر ءمينيسترى چينگيز ايداربەكوۆ, وزبەكستان سىرتقى ىستەر ءمينيسترى ابدۋلازيز كاميلوۆ, تاجىكستان سىرتقى ىستەر ءمينيسترى سيرودجيددين مۋحريددين, اۋعانستان سىرتقى ىستەر ءمينيسترىنىڭ ورىنباسارى ميرۆايس ناب, سونداي-اق حالىقارالىق ۇيىمدار مەن عىلىمي-زەرتتەۋ ينستيتۋتتارىنىڭ وكىلدەرى قاتىستى.
كونفەرەنتسيانى اشا وتىرىپ, گفر سىرتقى ىستەر ءمينيسترى حايكو مااس گەرمانيا ۇكىمەتىنىڭ جاڭا جوباسى كۇشەيتىلگەن ترانسشەكارالىق ىنتىماقتاستىق ارقىلى سۋ رەسۋرستارىن باسقارۋعا كومەك كورسەتۋ بويىنشا كوپجىلدىق «ورتالىق ازيا ءۇشىن سۋ باستاماسىنىڭ» («بەرليندىك پروتسەسس» دەپ اتالاتىن) جالعاسى بولىپ تابىلاتىنىن اتاپ ءوتتى. وسىلايشا, «جاسىل ورتالىق ازيا» كليماتتىڭ وزگەرۋى ماسەلەلەرى بويىنشا التى مەملەكەتتىڭ قاۋىپسىزدىگى مەن تۇراقتىلىعى كونتەكستىندە جوعارى دەڭگەيدەگى ديالوگتى قولداۋعا باعىتتالعان.
مينيستر م. تىلەۋبەردى ءوز سوزىندە نەمىس تاراپىنا ۇسىنعان باستاماشىلىعى ءۇشىن العىسىن ءبىلدىرىپ, ونىڭ ورتالىق ازيا ايماعى ءۇشىن ماڭىزدىلىعى مەن وزەكتىلىگىن اتاپ ءوتتى. سىرتقى ساياسات ۆەدومستۆوسىنىڭ باسشىسى جاسىل ەكونوميكانى دامىتۋ سالاسىنداعى مەملەكەتتىك ساياسات, سونداي-اق نۇر-سۇلتان قالاسىنداعى حالىقارالىق جاسىل تەحنولوگيالار ورتالىعىنىڭ قىزمەتى تۋرالى حاباردار ەتتى.
«قازاقستان ۇكىمەتى الدىندا «جاسىل ەكونوميكانى» دامىتۋ بويىنشا ۇقساس مىندەت تۇرعانىن ەسكەرە وتىرىپ, بىزگە وسى باعىتتاعى نەمىس تاجىريبەسى قىزىعۋشىلىق تۋدىرادى. ءبىزدىڭ ەلىمىزدىڭ حالىقارالىق دەڭگەيدە ۇسىنعان باستامالارى قازاقستاننىڭ ەكونوميكانى ەكولوگيالاندىرۋ, تابيعي رەسۋرستاردى ۇتىمدى پايدالانۋ جانە قورشاعان ورتاعا اسەردى بارىنشا ازايتۋعا بەيىلدىلىگىن كۋالاندىرادى» دەدى قازاقستان ءسىم باسشىسى.
سونىمەن قاتار ورتالىق ازيا ەلدەرىنىڭ وكىلدەرى ايماقتىڭ گەرمانيامەن جانە ەو قۇرىلىمدارىمەن ەكولوگيا, قورشاعان ورتانى قورعاۋ, جاسىل ەكونوميكا ەلەمەنتتەرىن ەنگىزۋ جانە كليماتتىڭ جىلىنۋىنا قارسى كۇرەس ماسەلەلەرىندە ىنتىماقتاستىعىنىڭ ماڭىزدىلىعىن اتاپ ءوتتى.
كونفەرەنتسيا قورىتىندىسى بويىنشا رەسمي دەلەگاتسيالاردىڭ باسشىلارى ناقتى جوبالاردى ىسكە قوسۋعا جاقسى نەگىز بولاتىن بىرلەسكەن دەكلاراتسياعا قول قويدى.
