«التىن گلوبۋس» حالىقارالىق ءبىلىم مەن عىلىم جانە مادەنيەتتى دامىتۋدىڭ وقۋ-ادىستەمەلىك, عىلىمي-يننوۆاتسيالىق اكادەمياسى ۇيىمداستىرعان بايقاۋدا شاكىرتىمىز «جازۋشى شىعارمالارىن جاتقا وقۋ» اتالىمى بويىنشا ۇزدىك دەپ تانىلدى.
-وقۋ ماۋسىمىنىڭ 2-ءشى توقسانىندا قازاقستاننىڭ حالىق جازۋشىسى, مەملەكەت جانە قوعام قايراتكەرى ءابىش كەكىلباەۆ وقۋلارى وتەتىنى جايلى اقپارات كەلدى. ءوزىم تاريحشى بولسام دا, قالامگەر شىعارماشىلىعىنا دەگەن قۇرمەتىم ەرەكشە. سول قۇرمەت وسى بايقاۋعا ءوزىم ساباق بەرەتىن سىنىپتىڭ ءبىر وقۋشىسىن نەگە قاتىستىرماسقا دەگەن ويعا الىپ كەلدى. تاڭداۋ تۇرارعا ءتۇستى. ناتيجەسى كورگەندەرىڭىزدەي, قۋانىپ وتىرمىز, - دەيدى ارىپتەسىمىز, ء«بىلىم بەرۋ ءىسىنىڭ قۇرمەتتى قىزمەتكەرى» ساليما شايانباەۆا.
ەلىمىزدەگى مەكتەپ وقۋشىلارى مەن كوللەدج ستۋدەنتتەرى اراسىندا العاش رەت ۇيىمداستىرىلعان بايقاۋ 4 اتالىم بويىنشا وتكەن. تۇرار بايقاۋ تالابى بويىنشا جازۋشىنىڭ «ابايلا, باۋىرىم, ابايلا», «الماتىدا, كۇزدى كۇنى, بۋلۆاردا», ««اعا!» دەدىڭ, بۇرىلدىم», «قىستاعى وي» ولەڭدەرىن جاتقا وقىپ, شاعىن بەينەماتەريال ءتۇسىرىلدى.
قول جەتكىزگەن باس جۇلدەسى ءۇشىن تۇرارعا 1 دارەجەلى ديپلوم مەن بىرگە ارنايى تاعايىندالعان «ەل ءۇمىتى» توسبەلگىسى, جەتەكشىسى ساليما بوسقىنبايقىزىنا قۇرمەت گراموتاسى تابىستالدى.
