ايماقتار • 25 قاڭتار، 2020

بقو-دا «جايىق قىرانى-2020» بۇركىتشىلەر سايىسى باستالدى

130 رەتكورسەتىلدى

باتىس قازاقستان وبلىسىنىڭ تەرەكتى اۋدانىنا قاراستى ءسارىومىر اۋىلىندا ەكى كۇنگە سوزىلاتىن «جايىق قىرانى-2020» رەسپۋبليكالىق بۇركىتشىلەر سايىسى باستالدى. ۇلتتىق دوداعا قازاقستاننىڭ 8 وبلىسىنان قۇسبەگىلەر قاتىسۋدا.

ۇلتتىق قۇسبەگىلىك ونەر مۇلدەم جويىلىپ كەتكەن دەپ سانالاتىن باتىس قازاقستان وبلىسىندا تۇڭعىشى بۇركىتشىلەر سايىسى 2018 جىلى ورال قالاسىندا وتكەن بولاتىن. ول بايقاۋعا جەرگىلىكتى تۇرعىندار تاراپىنان ەرەكشە قىزىعۋشىلىق بولدى. ءتىپتى رەسەي فەدەراتسياسىنىڭ كورشىلەس ايماقتارى – سامارا، تولياتتي، ۋليانوۆسك، پەرمقالالارىنان كەلدى. ۇيىمداستىرۋشىلار سول جولى مۇنداي ەرەكشە ونەردى وڭىردە دامىتۋ قاجەتتىگىن ايتقان بولاتىن.

«جايىق قىرانى-2020» سايىسىن ۇيىمداستىرۋشىلاردىڭ ءبىرى، TourWestKaz توبىنىڭ جەتەكشىسى ايبولات قۇرىمباەۆتىڭ ايتۋىنشا، بيىلعى سايىستى تاماشالاپ كورۋگە مىڭنان اسا تۋريستەر جينالۋى مۇمكىن. سايىس وتەتىن ءسارىومىر اۋىلى – ورال قالاسىنان 100 كم شاماسىندا، بەلگىلى شالقار كولىنىڭ جاعاسىندا ورنالاسقان ەلدىمەكەن. اۋىلدىڭ ىرگەسىندەگى قىرات – ساساي تاۋىنىڭ بيىگىندە كيىز ۇيلەر تىگىلىپ، قۇسبەگىلەرگە دە، كەلۋشىلەرگە دە بارلىق جاعداي جاسالعان. جاز بويى شالقار كولىنە تىنىعۋشىلارعا كيىز ءۇي تىگىپ، قىزمەت كورسەتەتىن اۋىل حالقى تۋريست قابىلداۋ مادەنيەتىن مەڭگەرگەن دەۋگە بولادى. كەلۋشىلەر جازۋشى حامزا ەسەنجانوۆتىڭ مۋزەيىن تاماشالاپ، اۋىل ىشىندەگى بۇلاقتى كورىپ، ساساي تاۋىنان سىرعاناق تەبۋگە دە مۇمكىندىك الادى.

بيىلعى بۇركىتشىلەر سايىسىنا ەلىمىزدىڭ 8 وبلىسىنان كەلگەن قۇسبەگىلەر 14 بۇركىت، 4 سۇڭقار، 3 قارشىعا اكەلىنگەن. سايىس باعدارلاماسىندا قىران قۇستاردى تۇلكى، قويان جانە شىلگە سالۋ سىندى سىناقتار بار.

 

باتىس قازاقستان

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار