تاعايىنداۋ • 25 قاڭتار، 2020

ورالداعى زياتكەرلىك مەكتەپكە جاڭا باسشى تاعايىندالدى

41 رەتكورسەتىلدى

«نازارباەۆ زياتكەرلىك مەكتەپتەرى» دببۇ قامقورشىلىق كەڭەسى جانە باسقارماسىنىڭ شەشىمىمەن ورالداعى فيزيكا-ماتەماتيكالىق باعىتتاعى نازارباەۆ زياتكەرلىك مەكتەبىنىڭ ديرەكتورى بولىپ ايداربەك تولەپ ۇلى ايتپۋكەشەۆ تاعايىندالدى.

ۇجىمعا جاڭا باسشىنى «نازارباەۆ زياتكەرلىك مەكتەپتەرى» دببۇ باسقارما ءتورايىمىنىڭ ورىنباسارى سۆەتلانا يسپۋسينوۆا تانىستىردى.

«ايداربەك تولەپ ۇلى ا.س.پۋشكين اتىنداعى ورال پەداگوگيكالىق ينستيتۋتىنىڭ فيلولوگيا فاكۋلتەتى بويىنشا تامامداعان. ەڭبەك جولىن ورىس ءتىلى جانە ادەبيەتى مۇعالىمى رەتىندە باستاپ، كەيىن جانىبەك اۋدانىنداعى مەكتەپتىڭ ديرەكتورىنىڭ ورىنباسارى، مەكتەپ ديرەكتورى بولدى. ءار جىلدارى باتىس قازاقستان وبلىستىق پەداگوگ كادرلار بىلىكتىلىگىن ارتتىرۋ جانە قايتا دايارلاۋ ينستيتۋتىنىڭ وقۋ-ادىستەمەلىك جۇمىستار جونىندەگى پرورەكتورى، «نازارباەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعىنىڭ ورال قالاسىنداعى فيليالى ديرەكتورى قىزمەتىن اتقاردى. سوڭعى التى جىلدا اتىراۋ قالاسىنداعى حيميا-بيولوگيالىق باعىتتاعى نازارباەۆ زياتكەرلىك مەكتەبىن باسقاردى» دەلىنگەن ورالداعى زياتكەرلىك مەكتەپتىڭ ءباسپاسوز قىزمەتىنەن تۇسكەن مالىمەتتە.

ايداربەك تولەپ ۇلى ءبىلىم بەرۋ جۇيەسىن جاڭارتۋعا باعىتتالعان 10-نان استام يننوۆاتسيالىق جوباعا جەتەكشىلىك ەتكەن، قاتىسقان. ءبىلىم بەرۋ ۇيىمدارى باسشىلارىنىڭ بىلىكتىلىگىن ارتتىرۋ باعدارلاماسىن جاساقتاۋ بويىنشا سەرتيفيكاتتالعان ترەنەر جانە اۆتورلار توبىنىڭ مۇشەسى. ىبىراي التىنسارين اتىنداعى توسبەلگى يەگەرى.

ايتا كەتەيىك، ورال شاھارىنداعى NIS-ءتىڭ بۇرىنعى ديرەكتورى شولپان قادىروۆا نۇر-سۇلتان قالالىق ءبىلىم باسقارماسىنىڭ باسشىسى قىزمەتىنە تاعايىندالدى.

 

 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020