ۇكىمەت • 24 قاڭتار، 2020

2019 جىلى 136 مىڭ وتباسى مۇقتاجدىق دەڭگەيىنەن شىعارىلدى — ب.ساپارباەۆ

41 رەتكورسەتىلدى

پرەزيدەنت ق. توقاەۆتىڭ قاتىسۋىمەن وتكەن قازاقستان رەسپۋبليكاسىنىڭ ۇكىمەتىنىڭ كەڭەيتىلگەن وتىرىسىندا پرەمەر-ءمينيستردىڭ ورىنباسارى ب.ساپارباەۆ مەملەكەت باسشىسىنىڭ الەۋمەتتىك سالاداعى تاپسىرمالارىن ىسكە اسىرۋ بارىسى جانە 2020 جىلعا ارنالعان باسىمدىقتى مىندەتتەر تۋرالى باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ب. ساپارباەۆ اتاپ وتكەندەي، پرەزيدەنتتىڭ تۇرعىنداردىڭ ءال-اۋقاتىن جاقسارتۋ بويىنشا تاپسىرماسىن ورىنداۋ ماقساتىندا 2019 جىلى 2،7 ملن قازاقستاندىقتىڭ جالاقىسى كوتەرىلدى. جاڭا جىلدان باستاپ 770 مىڭ مۇعالىم، دارىگەر، الەۋمەتتىك سالا، مادەنيەت، ونەر، سپورت جانە مۇراعات قىزمەتكەرلەرىنىڭ جالاقىسى 30%-عا ۇلعايتىلاتىن بولادى. زەينەتاقى جانە جاردەماقى كولەمى ورتا ەسەپپەن 7-20% كوتەرىلدى. وسى ماقساتتا بولىنگەن قاراجات وتكەن جىلمەن سالىستىرعاندا 300 ملرد تەڭگەگە ارتتىرىلىپ، 3،3 ترلن تەڭگەنى قۇرادى. 555 مىڭ ادامنىڭ بورىش جۇكتەمەسى ازايتىلدى، 1،2 ملن ادامنىڭ ايىپپ ۇلى مەن ءوسىمپ ۇلى كەشىرىلدى. بۇل ماقساتقا بيۋدجەتتەن 149 ملرد تەڭگە ءبولىندى. 

315 مىڭ وتباسى اتاۋلى الەۋمەتتىك كومەك الدى. ناتيجەسىندە 136 مىڭ وتباسى مۇقتاجدىق جاعدايىنان شىعارىلدى، 150 مىڭ وتباسى وزدەرىنىڭ جەكە قوسالقى شارۋاشىلىعىن دامىتتى، 94 مىڭ ادام جۇمىسپەن قامتۋ شارالارىمەن قامتىلدى، 8،5 مىڭ ادام ءوز بيزنەسىن اشتى. 

سونىمەن قاتار 2،2 ملن ادام اكىمدىكتەر مەن دەمەۋشىلەردىڭ ەسەبىنەن 80 ملرد تەڭگە كولەمىندە قوسىمشا قولداۋعا يە بولدى. 

جۇمىسپەن قامتۋ: جۇمىسسىزدىق دەڭگەيى 0،1%-عا تومەندەدى

مەملەكەت باسشىسى قويعان مىندەتتەردىڭ ءبىرى — تۇرعىنداردى جۇمىسپەن قامتۋدى قامتاماسىز ەتۋ، ونىڭ ىشىندە از قامتىلعان جانە كوپبالالى وتباسىلاردى كاسىپكەرلىككە تارتۋ، ولارعا ۇيدە جۇمىس ىستەۋگە مۇمكىندىك بەرۋ. وتكەن جىلى «ەڭبەك» مەملەكەتتىك باعدارلاماسىنىڭ شارالارىمەن 660 مىڭ ادام قامتىلدى. سونىڭ ناتيجەسىندە 24 مىڭ جاڭا جۇمىس ورنى اشىلدى، ونىڭ ىشىندە 65% — تۇراقتى. 58 مىڭ ادام شاعىن نەسيە مەن گرانت الدى. حالىققا قولايلى بولۋ ءۇشىن 83 ءموبيلدى جۇمىسپەن قامتۋ ورتالىعى، 54 جەكەمەنشىك جۇمىسپەن قامتۋ ورتالىعى تارتىلدى. وسىنىڭ ناتيجەسىندە جۇمىسسىزدىق دەڭگەيى 2018 جىلمەن سالىستىرعاندا 0،1%-عا تومەندەدى.

سونىمەن قاتار جۇمىس ورىندارىن قۇرۋ كارتاسىنىڭ اقپاراتتىق جۇيەسى ەنگىزىلدى. ەڭبەك نارىعىنىڭ سۇرانىستارىنا ساي مامانداردى دايارلاۋ ءۇشىن كاسىپتىك ستاندارتتار بەكىتىلدى. كاسىپكەرلىككە كەمىندە 11 مىڭ وتباسىنى تارتۋ ماقساتىندا، نەسيە مولشەرلەمەسى 6%-دان 4%-عا تومەندەتىلدى، نەسيەلەندىرۋ مەرزىمى 5 جىلدان 7 جىلعا دەيىن تومەندەدى. وقىتۋسىز گرانت الۋ مۇمكىندىگى ۇسىنىلدى. ەندى كاسىپتىك وقىتۋ تەك جۇمىس بەرۋشىنىڭ ءوتىنىمى بويىنشا جۇزەگە اسىرىلادى.

«جاھاندىق وزگەرىستەرگە سايكەس، ءبىز 2025 جىلعا دەيىنگى ەڭبەك نارىعىن دامىتۋ بولجامىن جانە جاڭا كاسىپتەر اتلاسىن ازىرلەپ جاتىرمىز. ەلەكتروندى ەڭبەك نارىعىن، ەلەكتروندى ەڭبەك شارتىن دامىتۋ جالعاسادى. تۇرعىندارعا ىڭعايلى بولۋ ءۇشىن، الەۋمەتتىك ەڭبەك سالاسىنداعى بارلىق مەملەكەتتىك قولداۋ شارالارىن ءبىز بىرىڭعاي الەۋمەتتىك ەڭبەك باعدارلاماسىنا بىرىكتىرۋدى ۇسىنامىز» دەدى ب. ساپارباەۆ.

الەۋمەتتىك كومەكتىڭ جاڭا تەتىگى: 200 مىڭ وتباسىعا ااك تولەنەدى

مەملەكەت باسشىسىنىڭ تاپسىرماسىنا وراي، 2020 جىلدان باستاپ كوپبالالى جانە از قامتلىعان وتباسىلارعا الەۋمەتتىك كومەك كورسەتۋدىڭ جاڭا تەتىگى ەنگىزىلدى. 1 قاڭتاردان باستاپ 372 مىڭ وتباسىنا 17 ملرد تەڭگە كولەمىندە مەملەكەتتىك جاردەماقى تولەندى. ااە كەمىندە 200 وتباسىعا تولەنەدى دەپ جوسپارلانعان. ەگەر وتباسىندا ەڭبەككە قابىلەتتى ادامدار بولسا جانە ولار ۇسىنىلعان جۇمىستان باس تارتاتىن بولسا، ونداي وتباسىلارعا ااك تولەنبەيدى. سونىمەن قاتار وسى ايدان باستاپ از قامتىلعان وتباسىلاردىڭ بالالارى ءۇشىن الەۋمەتتىك كەپىلدەندىرىلگەن پاكەت بەرىلەدى. الدىن-الا مالىمەتتەر بويىنشا، مۇنداي كومەكپەن 200 وتباسى نەمەسە 600 مىڭ بالا قامتىلادى.

«2020 جىلى ءبىزدىڭ باستى مىندەتىمىز – از قامتىلعان وتباسىلاردان كەمىندە 800 مىڭ بالاعا قولداۋ شارالارىن كورسەتۋ. بۇل ماقساتتاعى شىعىندار وتكەن جىلمەن سالىستىرعاندا 23%-عا ارتتىرىلادى. ەگەر 2019 جىلى 1 بالاعا 20 مىڭ تەڭگە تولەنگەن بولسا، وندا بيىل بۇل سوما 26 مىڭ تەڭگەگە دەيىن كوبەيتىلەدى» دەدى پرەمەر-ءمينيستردىڭ ورىنباسارى.

2020 جىلى كەمىندە 11 مىڭ وتباسىنىڭ تۇرعىن ءۇي جاعدايىن جاقسارتۋ جوسپارلانعان. ونىڭ ىشىندە كەمىندە 2 مىڭ پاتەر دەمەۋشىلەر ەسەبىنەن ساتىپ الىنادى. بۇگىندە 8 مىڭ پاتەر بەرىلگەن. 

بۇدان وزگە، 350-گە جۋىق ەڭبەككە قابىلەتتى وتباسى جۇمىسپەن قامتۋ شارالارىمەن قامتىلادى. 

 

دەنساۋلىق ساقتاۋ: تۇرعىنداردىڭ شىعىنى ەكى ەسە ازايادى

پرەزيدەنتتىڭ تاعى ءبىر تاپسىرماسى – مەديتسينالىق قىزمەت كورسەتۋ ساپاسىن جاقسارتۋ جاقسارتۋ اياسىندا حالىق دەنساۋلىعى تۋرالى كودەكس ازىرلەندى، ول قازىر پارلامەنت قاراۋىندا. ءدارى-دارمەكتەرمەن قامتاماسىز ەتۋ تولىق اۆتوماتتاندىرىلدى. 1439 call-ورتالىعى جۇمىس ىستەيدى. ۇكىمەت 2020-2025 جىلدارعا ارنالعان دەنساۋلىق ساقتاۋدى دامىتۋدىڭ مەملەكتەتىك باعدارلاماسىن ماقۇلدادى. دەنساۋلىق ساقتاۋ سالاسىنا بولىنەتىن قاراجات ءجىو-گە شاققاندا 3،2%-دان 5%-عا دەيىن ارتتىرىلادى. 

«باعدارلامانىڭ باستى مىندەتى – قازاقستاندىقتاردىڭ ءومىر ءسۇرۋ ۇزاقتىعىن 73-تەن 75 جاسقا دەيىن ارتتىرۋ، تەحنيكامەن قامتاماسىز ەتۋدى 73%-دان 100%-عا دەيىن جەتكىزۋ، دەنساۋلىق ساقتاۋ سالاسىنا تارتىلعان ينۆەستيتسيالار كولەمىن 1،3 ترلن تەڭگەگە دەيىن جەتكىزۋ»، — دەدى ۆيتسە-پرەمەر. 

2020 جىلدىڭ 1 قاڭتارىندا ءمامس جۇيەسى ىسكە قوسىلدى. 15 جەڭىلدىكتى ساناتتاعى ازاماتتارعا نەمەسە 10 ملن قازاقستاندىق ءۇشىن جارنالاردى قارجىلاندىرۋ ءۇشىن بيۋدجەتتەن 317 ملرد تەڭگە بولىنەدى. مەديتسينالىق ساقتاندىرۋ قورىندا 252 ملرد تەڭگە جيناقتالعان. وسى ءىس-شارالاردىڭ قورىتىندىسى بويىنشا جالپى شىعىندار 50%-عا ۇلعايتىلاتىن بولادى. دارىلىك زاتتارمەن قامتاماسىز ەتىلەتىن بالالار سانى 600 مىڭنان 3،5 ملن-عا دەيىن ارتتىرىلادى. قازىرگى تاڭدا تەگىن ءدارى-دارمەكپەن بەس جاسقا دەيىنگى بالالار قامتىلادى. قابىلدانعان شارالاردان كەيىن بالالاردىڭ جاسى 18 جاسقا دەيىن ارتادى. حالىقتىڭ شىعىندارى ەكى ەسەگە تومەندەيدى. دياگنوستيكالىق كومەكتى بەس ەسە ارتتىرۋ جوسپارلانۋدا. كت جانە مرت قىزمەتتەرى كەم دەگەندە ەكى ەسەگە ارتادى.

«وتكەن جىلى ءبىز قاراعاندى وبلىسىندا ۇلكەن پيلوتتىق جوبانى جۇزەگە اسىردىق. ناتيجەلەرى جاقسى. بۇل جۇمىستى ودان ءارى جالعاستىرامىز»، — دەدى ب. ساپارباەۆ. 

ەلباسى قورىمەن بىرلەسىپ «قامقورلىق» جوباسى جۇزەگە اسىرىلىپ جاتىر. وسى جوبا اياسىندا 17 وڭالتۋ ورتالىعى سالىنادى.

 

ءبىلىم بەرۋ: اۋىلدىق ەلدى مەكەندەردىڭ 300 مىڭ بالاسىنا قولداۋ كورسەتىلەدى

تامىز كونفەرەنتسياسىندا جانە قازاقستان حالقىنا ارناعان جولداۋىندا مەملەكەت باسشىسى ءبىلىم بەرۋ ساپاسىن ارتتىرۋعا ەرەكشە نازار اۋداردى. اتالعان تاپسىرمالاردى ورىنداۋ ماقساتىندا 2019 جىلى بالالاردى بالاباقشالارمەن قامتۋ 98%-عا دەيىن ۇلعايدى، وقۋ باعدارلامالارى 95%-عا دەيىن جاڭارتىلدى. جەتىم بالالاردىڭ 81%-ى وتباسىندا تاربيەلەنۋدە. 1 قاڭتاردان باستاپ 246 مىڭ ستۋدەنتتىڭ ستيپەندياسى 25%-عا ءوستى. بۇگىنگى تاڭدا ستۋدەنتتەردىڭ 50%-ى جاڭارتىلعان شاكىرتاقى الۋدا.

سونداي-اق 2019 جىلى پەداگوگ مارتەبەسى تۋرالى زاڭ قابىلداندى. ءبىلىم بەرۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسى بەكىتىلدى. سونىڭ ناتيجەسىندە اتالعان سالاعا بولىنەتىن قاراجات مولشەرى ءجىو-گە 3،8%-دان 7%-عا دەيىن ارتادى.

2020 جىلعا ارنالعان مىندەتتەر: 

  • 3 جاستان 6 جاسقا دەيىنگى بالالاردى مەكتەپكە دەيىنگى بىلىممەن 100% قامتۋ;

  • باعدارلامالاردى 100% جاڭارتۋ، 110-نان استام مەكتەپ سالۋ (2025 جىلعا دەيىن – 800 مەكتەپ);

  • قالا مەن اۋىل اراسىنداعى الشاقتىقتى ازايتۋ ءۇشىن نزم تاجىريبەسىن تاراتۋ;

  • كاسىپتىك ستاندارتتار نەگىزىندە كوللەدجدەر مەن جوو-لار باعدارلامالارىن جاڭارتۋ.

ەلباسى قورىمەن بىرلەسىپ «ەل ءۇمىتى» جوباسى جۇزەگە اسىرىلۋدا، ونىڭ اياسىندا «دارىن» ورتالىقتارىن اشۋ ارقىلى اۋىلدىق جەرلەردەگى 300 مىڭ بالاعا قولداۋ كورسەتىلەدى.

بۇدان وزگە، بالالاردىڭ قاۋىپسىزدىگىن، قۇقىقتارىن، ولاردى زورلىق-زومبىلىقتان قورعاۋدى قامتاماسىز ەتۋ ءۇشىن ءال-اۋقات يندەكسى ەنگىزىلدى. جوعارى وقۋ ورىندارىنىڭ باسەكەلەستىگىن دامىتۋ ءۇشىن ۇكىمەتتىڭ جۇمىس توبى قۇرىلدى. قازىرگى ۋاقىتتا ءۇش ۋنيۆەرسيتەت جابىلدى. التى ۋنيۆەرسيتەتتىڭ ءىسى سوتتا قارالىپ جاتىر. جەتى ۋنيۆەرسيتەت بويىنشا جۇمىستار جالعاسۋدا.

 

«حالىق ۇنىنە قۇلاق اساتىن مەملەكەت»: ۇكىمەتتىك توپ 17 وڭىردە جانە 550 ەلدى مەكەندە بولدى

«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا ارنايى قۇرىلعان ۇكىمەتتىك توپ 8 اي ىشىندە ەلىمىزدىڭ 17 ءوڭىرىن ارالاپ، 550 ەلدى مەكەنگە باردى. حالىقتى تولعاندىرعان نەگىزگى ماسەلەلەر: تابىستى ارتتىرۋ، جۇمىسپەن قامتۋ، ءوز بيزنەسىن اشۋعا قولداۋ كورسەتۋ، ءبىلىم بەرۋ جانە دەنساۋلىق ساقتاۋ قىزمەتتەرىنىڭ ساپاسىن جاقسارتۋ، مادەنيەت جانە سپورت نىساندارىنىڭ قىزمەتتەرىن پايدالانۋعا مۇمكىندىك بەرۋ بولدى. جوعارىدا ايتىلعان ۇسىنىستاردى ەسكەرە وتىرىپ، ازاماتتىق قوعامدى دامىتۋ تۇجىرىمداماسىنىڭ 2025 جىلعا دەيىنگى جوباسى ازىرلەندى. قوعامنىڭ بەلسەندىلىگىن ارتتىرۋ، حالىقتىڭ مەملەكەتپەن بايلانىسىن نىعايتۋ تەتىكتەرى ازىرلەندى. ۆولونتەرلەر جىلى اياسىندا 7 باعىت بويىنشا 40-قا جۋىق ءىس-شارا وتكىزىلەتىن بولادى. سونداي-اق، ابايدىڭ 175 جىلدىعىن، ءال-ءفارابيدىڭ 1150 جىلدىعىن، التىن وردانىڭ 700 جىلدىعىن، ۇلى وتان سوعىسىنداعى جەڭىستىڭ 70 جىلدىعىن اتاپ وتۋگە دايىندىق جۇمىستارى جۇرگىزىلۋدە. وسى ءىس-شارالار ءۇشىن كاسىپكەرلەر مەن دەمەۋشىلەردىڭ قاراجاتى تارتىلاتىن بولادى.

«الەۋمەتتىك سالا بويىنشا ءسىزدىڭ بارلىق تاپسىرمالارىڭىز ۋاقىتىندا ءارى ساپالى تۇردە جانە ۇكىمەتتىڭ باقىلاۋىمەن ورىندالادى»، — دەدى ب. ساپارباەۆ.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار