ۇكىمەت • 24 قاڭتار، 2020

و.ورازالين: اقتوبە وبلىسىندا الەۋمەتتىك-ساياسي احۋال تۇراقتى

37 رەتكورسەتىلدى

مەملەكەت باسشىسى ق. توقاەۆتىڭ توراعالىعىمەن وتكەن قازاقستان رەسپۋبليكاسىنىڭ ۇكىمەتىنىڭ كەڭەيتىلگەن وتىرىسىندا اقتوبە وبلىسىنىڭ اكىمى وڭداسىن ورازالين اقتوبە وبلىسىنىڭ 2019 جىلعى الەۋمەتتىك-ەكونوميكالىق دامۋ قورىتىندىلارى تۋرالى باياندادى.  بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ونىڭ ايتۋىنشا، اقتوبە وبلىسىندا الەۋمەتتىك-ساياسي احۋال تۇراقتى. وتكەن جىلدىڭ قورىتىندىسى بويىنشا جالپى الەۋمەتتىك-ەكونوميكالىق دامۋىنىڭ بارلىق كورسەتكىشتەرىندە وڭ ديناميكا قامتاماسىز ەتىلىپ، ءوڭىر ەكونوميكاسىنىڭ ءوسىمى 5% قۇرادى. ينفلياتسيا دەڭگەيى 105،2% قۇرادى. شوعىرلاندىرىلعان بيۋدجەتكە تۇسەتىن تۇسىمدەردىڭ رەكوردتىق دەڭگەيى بەلگىلەندى – 547 ملرد تەڭگە. ءوسىم - 2،4%. 

ءوڭىر اكىمى اتاپ وتكەندەي، «حالىق ۇنىنە قۇلاق اساتىن مەملەكەت» تۇجىرىمداماسىن ساقتاۋ مەملەكەتتىك باعدارلامالاردى ىسكە اسىرۋدىڭ نەگىزگى قاعيداتى بولدى.  حالىقپەن كەزدەسۋلەر، ازاماتتاردىڭ وتىنىشتەرىمەن تۇراقتى جۇمىس، الەۋمەتتىك جەلىلەر مونيتورينگى اقتوبە وبلىسىنىڭ تۇرعىندارىن تولعاندىراتىن نەگىزگى ماسەلەلەردى انىقتادى.

«جاڭا الەۋمەتتىك جانە ەكونوميكالىق سىن-تەگەرۋىندەردى ەسكەرە وتىرىپ، ءبىز وڭىردە ءوڭىردىڭ قازىرگى جاعدايلارعا قاراي وزگەرۋى جانە بەيىمدەلۋى جوباسىن ىسكە اسىرا باستاۋ تۋرالى شەشىم قابىلدادىق. ول ەكونوميكانىڭ ءوسۋى مەن ازاماتتاردىڭ قاناعاتتانۋىن ارتتىرۋعا، ينفراقۇرىلىمدىق جانە الەۋمەتتىك جوبالاردى ىسكە اسىرۋدا پراگماتيكالىق جوبالىق ءتاسىلدى قولدانۋعا باعىتتالعان وڭىردەگى مەملەكەتتىك باسقارۋ ساپاسىنىڭ تاسىلدەرىن وزگەرتۋدى قاراستىرادى» دەدى ءوڭىر اكىمى. 

وبلىستا ترانسفورماتسيا ءۇشىن ازاماتتىق قوعام، مەملەكەتتىك سەكتور، ءىرى، ورتا جانە شاعىن بيزنەس، دامۋ ينستيتۋتتارىنىڭ وكىلدەرى، سونداي-اق پرەزيدەنتتىك جاستار كادرلىق رەزەرۆىندەگى جاستار تارتىلدى. 

وبلىس ەلىمىزدەگى اسا ماڭىزدى ستراتەگيالىق توراپتىڭ ءبىرى. وتكەن جىلى 350 شاقىرىمعا جۋىق اۆتوجول جوندەلدى (ونىڭ ىشىندە  285 شاقىرىم جول - وبلىستىق جانە جەرگىلىكتى ماڭىزى بار جولدار). بيىل 500 شاقىرىمعا جۋقى جولدى جوندەۋ جوسپارلانعان، وعان 23 ملرد تەڭگە ءبولىندى (2019 ج. – 19،7 ملرد تەڭگە).

اقتوبە حالىقارالىق اۋەجايىنا ەرەكشە كوڭىل بولىنەدى، اقتوبە اگولمەراتسياسىن دامىتۋدا ونىڭ ماڭىزى زور. وبلىس ءۇشىن ماڭىزدى ماسەلەلەردىڭ ءبىرى - ءوڭىردىڭ كولىك-لوگيستيكالىق الەۋەتىن ارتتىرۋ ءۇشىن 3 حالىقارالىق وتكىزۋ پۋنكتىن اشۋ. 

اكىمنىڭ ايتۋىنشا، تۋ كورسەتكىشىنى جوعارىلىعى، تۇرعىنداردىڭ ديناميكالى اعىمى، ەكونوميكا قارقىنىنىڭ ءوسۋى بۇگىنگى تاڭدا تۇرعىندار اراسىندا تۇرعىن ۇيگە كوپ سۇرانىس تۋدىرىپ وتىر. تۇرعىن ءۇي الۋ جانە ساتىپ الۋ كەزەگىندە 30 مىڭ ادام تۇر، ال اقتوبە قالاسىنىڭ ماڭىندا 150 مىڭ ازامات جەكە تۇرعىن ءۇي قۇرىلىسى ءۇشىن جەر تەلىمدەرىنە مۇقتاج.

ء«بىز 1 ملن م2 (112،4%) تۇرعىن ءۇيدى پايدالانۋعا بەردىك. بيىل ءبىز تۇرعىنداردىڭ الەۋمەتتىك ءالجۋاز توپتارىنا تۇرعىن ءۇي كومەگىن كورسەتۋگە باسىمدىق بەرۋدى كوزدەيمىز. اقتوبە اگلومەراتسياسىن ودان ءارى دامىتۋ ماسەلەسى جەرگىلىكتى اتقارۋشى ورگانداردىڭ ەرەكشە باقىلاۋىنا الىنعان. بيىل ءبىز گازبەن جانە سۋمەن قامتاماسىز ەتۋ ءۇشىن اگلومەراتسيانىڭ ەلدى مەكەندەرىنە ينجەنەرلىك-كوممۋنيكاتسيالىق جەلىلەردى جۇرگىزۋگە باسىمدىق بەرەمىز»، — دەدى ءوڭىر اكىمى.

و. ورازالين اتاپ وتكەندەي، ينۆەستيتسيالىق احۋالدى جاقسارتۋ جانە ينۆەستيتسيالار تارتۋ الداعى ۋاقىتقا نەگىزگى مىندەتتەر بولىپ تابىلادى. بۇگىندە اقتوبە وبلىسىندا جالپى وڭىرلىك ونىمگە ينۆەستيتسيالار سالۋ كولەمى 20% قۇرايدى. قازىر «ەۆرازيا» اەا مەن «GOSB» تۇرىك ينۆەستورىمەن بىرلەسىپ يندۋستريالىق پارك قۇرىلۋدا، بۇل قوسىمشا 500 ملرد تەڭگە قارجى تارتىپ، كەمىندە 15 مىڭ جاڭا جۇمىس ورنىن قۇرۋعا مۇمكىندىك بەرەدى.

«ينۆەستيتسيا تارتۋ كەزىندە ءبىز تاعى ءبىر ماڭىزدى ماقساتقا قول جەتكىزگىمىز كەلەدى، ول - شەتەلدىك ينۆەستورلار ءۇشىن قولايلى يميدج قالىپتاستىرۋ. بۇل بيزنەس جۇرگىزۋ مەن الەۋمەتتىك جاۋاپكەرشىلىگىنىڭ جوعارى ستاندارتتارىنا يە شەتەلدىك ينۆەستورلاردى تارتۋ ارقىلى قامتاماسىز ەتىلەتىن بولادى»،—  دەدى ول.

سونىمەن قاتار وڭىرلىك عىلىمدى دامىتۋعا جانە ەكونوميكانىڭ يننوۆاتسيالى دەڭگەيىن ارتتىرۋعا جوعارى كوڭىل بولىنۋدە. وبلىستاعى ءىرى كاسىپورىندار عزتكج جىلىنا 5 ملرد تەڭگە قارجى بولەدى. 

بۇدان وزگە، ءوڭىردىڭ الدىندا 2025 جىلعا دەيىن ءىرى جانە ۇساق قارا مال باسىن 3 ەسە ارتتىرۋ مىندەتى تۇر.

«وسى مىندەتتەردى شەشۋ ءۇشىن مال ازىعى بازاسىن ۇدەمەلى قارقىندا ارتتىرۋ قاجەت بولادى. سوندىقتان سۋارمالى جەرلەر كولەمىن 3،5 ەسە نەمەسە 100 مىڭ گا دەيىن كوبەيتۋدى جوسپارلاپ وتىرمىز، بۇل ونىمدىلىكتى ەداۋىر ارتتىرادى»، — دەپ تۇيىندەدى ءوڭىر اكىمى. 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار