مەملەكەت باسشىسىنا وڭىرلەردىڭ ەكونوميكالىق كورسەتكىشتەرى تۋرالى بايانداعان پرەمەر-مينيستر اسقار مامين جامبىل وبلىسىنىڭ ۇزدىكتەردىڭ قاتارىندا ەكەنىن تىلگە تيەك ەتتى.
ء«اربىر ءوڭىر ەل ەكونوميكاسىن دامىتۋدا ماڭىزدى ءرول اتقارادى. 2019 جىلدىڭ قورىتىندىسىنا سايكەس 7 كورسەتكىش بويىنشا 8 وڭىردە — شىعىس قازاقستان, جامبىل, قىزىلوردا, اتىراۋ, الماتى, باتىس قازاقستان جانە سولتۇستىك قازاقستان وبلىستارىندا, سونداي-اق الماتى قالاسىندا الەۋمەتتىك-ەكونوميكالىق دامۋدىڭ نەگىزگى كورسەتكىشتەرى بويىنشا وزىق ءوسۋ قارقىنى قامتاماسىز ەتىلدى»,-دەدى ءوز سوزىندە ۇكىمەت باسشىسى. سونداي-اق اسقار ۇزاقباي ۇلى مەملەكەتتىك-جەكەمەنشىك ارىپتەستىك شەڭبەرىندە ەۋروپالىق قايتا قۇرۋ جانە دامۋ بانكىمەن بىرلەسىپ جەتى وڭىردە, ونىڭ ىشىندە جامبىل وبلىسىندا دا كوپ بەيىندى اۋرۋحانا ىسكە قوسىلاتىنىن جەتكىزدى.
ايتا كەتەيىك, وبلىستىڭ دامۋىندا وڭ ديناميكا ساقتالىپ وتىر. وتكەن جىلعى ەكونوميكانىڭ ءوسۋى 105,5 پايىزدى قۇراسا, ونەركاسىپ, اۋىل شارۋاشىلىعى, تۇرعىن ءۇي, ينۆەستيتسيا, ساۋدانىڭ ءوسۋى رەسپۋبليكالىق ورتا كورسەتكىشتەن جوعارى. ال, قۇرىلىس جۇمىستارى 109 پايىزعا ورىندالعان.
بيۋدجەتتىك كىرىستەر ارتىعىمەن ورىندالىپ, 99,9 پايىزعا يگەرىلگەن. ول وڭىرلەر اراسىندا جوعارعى كورسەتكىشتىڭ ءبىرى. سول سياقتى, بىلتىر وڭىردە كاسىپكەرلەرگە 8,6 ميلليارد تەڭگە شاعىن نەسيە بەرىلسە, ەكى مىڭ ادامعا 505 مىڭ تەڭگەدەن 1,2 ميلليارد تەڭگە گرانت بولىنگەن. بۇل دا رەسپۋبليكاداعى الدىڭعى ناتيجەگە يە.
