اتالعان باسقوسۋعا كوپبالالى انالاردان وزگە ءتيىستى سالا باسشىلارى مەن اۋدان اكىمدەرىنىڭ جاۋاپتى ورىنباسارلارى قاتىستى. شاھار باسشىسىنىڭ ورىنباسارى كەپىلدەندىرىلگەن الەۋمەتتىك پاكەتكە كەڭىنەن توقتالدى. اتالعان پاكەتتە 1 جاستان 6 جاسقا دەيىنگى بالالار ءۇشىن ازىق-ت ۇلىك تاۋارلارى مەن تۇرمىستىق حيميا زاتتارى قاراستىرىلعان. ازىق-ت ۇلىكتەر بالانىڭ تولىققاندى دەنى ساۋ بولىپ جەتىلۋى ءۇشىن ءتيىستى ۆيتاميندەرگە تولى. ياعني, ولار قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ ۇسىنىسى بويىنشا رەتتەلىنىپ الىنعان. بۇل ازىق-ت ۇلىك جيىنتىعىن تابىسى تومەن وتباسىلار اي سايىن الاتىن بولادى. ال, تۇرمىستىق حيميا تاۋارلارى توقسانىنا ءبىر رەت ۇسىنىلادى.
ەربول سادىر كوپبالالى وتباسىلارعا ااك بويىنشا تولەنەتىن ارنايى مەملەكەتتىك جاردەماقى جايىندا دا ءتۇسىندىردى. ياعني, جاڭا جىلدان باستاپ اتالعان جاردەماقىنىڭ وتباسىلىق كىرىسكە قاراماي بارلىق كوپبالالى, ياعني 4 جانە ودان دا كوپ, كامەلەت جاسقا تولماعان, ورتا ارناۋلى نەمەسە جوعارى وقۋ ورىندارىندا ءبىلىم الىپ جاتقان جاسى 23-كە تولماعان بالالارى بار انالارعا بەرىلەدى.
سونداي-اق قالا اكىمىنىڭ ورىنباسارى انالاردىڭ «كوپبالالى وتباسىلار جاردەماقىمەن قوسا ااك الا الا ما؟» دەگەن ساۋالىنا جاۋاپ بەردى. «كوپبالالى وتباسىنىڭ تابىسى ەڭ تومەنگى كۇن كورىس دەڭگەيىنەن تومەن بولسا, وتباسى ارنايى جاردەماقىمەن قوسا, ااك الۋعا قۇقىلى» دەدى ەربول سادىر. جيىندا كوپبالالى انالار وزدەرىن مازالاپ جۇرگەن وزگەدە ساۋالدارىن قويىپ, ءتيىستى جاۋاپ الدى.
