كەڭەس بارىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا سايكەس ازىرلەنگەن ليفت سالاسىن دامىتۋ جونىندە «جول كارتاسى» بەكىتىلدى.
جاڭا زاڭ اياسىندا جەرگىلىكتى اتقارۋشى ورگاندارعا ليفتىلەر مەن ەسكالاتوردى قاۋىپسىز پايدالانۋدى مەملەكەتتىك قاداعالاۋ قۇزىرەتى بەرىلەدى. ليفتىلەردى مونتاجداۋ مەن ولارعا قىزمەت كورسەتۋگە قويىلاتىن بىرىڭعاي تالاپتاردى انىقتايتىن ۇلتتىق ستاندارت ازىرلەندى. جانە ونى مىندەتتى تۇردە قولدانۋ ماقساتىندا «ازاماتتىق قورعانىس تۋرالى» زاڭعا ءتيىستى تولىقتىرۋلار ەنگىزىلدى.
سونداي-اق وتاندىق ءوندىرىستى دامىتۋ جوسپارلانىپ وتىر. بۇگىنگى تاڭدا رەسپۋبليكادا ليفتىلەر وندىرىسىمەن اينالىساتىن التى كاسىپورىن بار. «جول كارتاسىندا» كوزدەلگەن شارالار ولاردىڭ دامۋىنا سەرپىن بەرۋى ءتيىس.
اتالعان شارالاردىڭ بارلىعى سالاداعى قوردالانعان پروبلەمالاردى شەشىپ, ليفت قۇرىلعىلارىن قاۋىپسىز پايدالانۋ تالاپتارىن بۇزۋ وقيعالارىنا جەدەل ارەكەت ەتۋگە مۇمكىندىك بەرەدى.
بۇگىنگى تاڭدا رەسپۋبليكا بويىنشا 24 مىڭنان اسا ليفت قولدانىستا بولسا, ولاردىڭ 765 جوندەۋدى, 4 مىڭنان استامى اۋىستىرۋدى قاجەت ەتەدى.
