ء«ار ءوڭىر ەل ەكونوميكاسىن دامىتۋدا ماڭىزدى ءرول اتقارادى. 2019 جىلدىڭ قورىتىندىسى بويىنشا 7 كورسەتكىش بويىنشا 8 وڭىردە — شىعىس قازاقستان, جامبىل, قىزىلوردا, اتىراۋ, الماتى, باتىس قازاقستان جانە سولتۇستىك قازاقستان وبلىستارىندا, سونداي-اق الماتى قالاسىندا الەۋمەتتىك-ەكونوميكالىق دامۋدىڭ نەگىزگى كورسەتكىشتەرى بويىنشا وزىق ءوسۋ قارقىنى بايقالدى», دەدى اسقار مامين.
سونداي-اق ول كوپتەگەن كورسەتكىشتەر بويىنشا ارتتا قالعان 5 ءوڭىردى اتادى. ۇكىمەت باسشىسىنىڭ مالىمەتىنشە, قوستاناي, ماڭعىستاۋ جانە پاۆلودار وبلىسى, شىمكەنت جانە نۇر-سۇلتان قالاسىندا الەۋمەتتىك-ەكونوميكالىق دامۋدىڭ نەگىزگى كورسەتكىشتەرى سالىستىرمالى تۇردە تومەن بولعان. ال قالعان قاراعاندى, اقمولا, اقتوبە, تۇركىستان وبلىسى سىندى 4 ايماق ورتاشا كورسەتكىش كورسەتكەن.
«10 وڭىردە الەۋمەتتىك ماڭىزى بار ازىق-ت ۇلىك تاۋارلارى ورتاشا رەسپۋبليكالىق باعا دەڭگەيىنەن (10,4%) اسىپ تۇسكەن. باعانىڭ ەداۋىر ءوسۋى اتىراۋ (+13,2%), پاۆلودار (+13,1%), نۇر-سۇلتان (+12,9%), الماتى (+12,6%), ورال (+12,5%) جانە كوكشەتاۋ (+12,3%) قالالارىندا تىركەلگەن. وسىعان بايلانىستى يمپورتقا تاۋەلدىلىكتى تومەندەتۋ جانە قولدا بار رەتتەۋ قۇرالدارىن قولدانۋ ارقىلى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن باقىلاۋعا ەرەكشە نازار اۋدارىلاتىن بولادى», - دەدى پرەمەر-مينيستر.
