ۇكىمەت • 24 قاڭتار، 2020

ا.مامين: نەگىزگى باسىمدىق - حالىقتىڭ تابىسى مەن ءومىر ءسۇرۋ ساپاسىن ارتتىرۋ

65 رەتكورسەتىلدى

بۇل تۋرالى پرەمەر-مينيستر پرەزيدەنتتىڭ توراعالىعىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا ايتتى.  

«ۇكىمەت ءسىزدىڭ سايلاۋ الدىنداعى تۇعىرناماڭىزدى ءىس جۇزىندە ىسكە اسىرۋ ماسەلەسىن ەرەكشە باقىلاۋدا ۇستايدى. وسى ماقساتتا جاڭا ەكونوميكالىق كۇن ءتارتىبى ازىرلەندى، ول ەكونوميكانىڭ ساپالى ءوسۋىن قامتاماسىز ەتۋ جانە حالىقتىڭ ناقتى ءال-اۋقاتىن ارتتىرۋ جونىندەگى قۇرىلىمدىق جانە جۇيەلى شارالار كەشەنىن قامتيدى. ءسىز قويعان مىندەتتەردى ءتيىمدى شەشۋ ءۇشىن ۇكىمەت پەن ءاربىر مەملەكەتتىك ورگاندا جوبالىق كەڭسەلەر قۇرىلدى. 7 باسىم باعىت پەن 104 شارادان تۇراتىن پورتفەل قالىپتاستى. ولاردى ىسكە اسىرۋ بويىنشا جۇمىستار جۇيەلى تۇردە جۇرگىزىلىپ كەلەدى. ەلباسىنىڭ ستراتەگيالىق باستامالارىن، ءسىزدىڭ سايلاۋالدى تۇعىرناماڭىزدىڭ نەگىزگى باعىتتارىن جانە 2019 جىلعى 2 قىركۇيەكتەگى قازاقستان حالقىنا جولداۋىن ىسكە اسىرۋ ءۇشىن وتكەن جىلى 8 مەملەكەتتىك باعدارلاما ازىرلەنىپ، قابىلداندى»،- دەدى ۇكىمەت باسشىسى.

بۇدان وزگە اسقار مامين الەمدىك ەكونوميكانى دامىتۋدىڭ ءتۇرلى ستسەناريلەرى كەزىندە ەلدىڭ ماكروەكونوميكالىق، قارجىلىق جانە الەۋمەتتىك تۇراقتىلىعىن ساقتاۋ بويىنشا شارالار كەشەنىن قامتيتىن داعدارىسقا قارسى جوسپار قالىپتاستىرىلعانىن اتاپ ءوتتى.

پرەمەر-مينيستر ۇكىمەت جۇمىسىنىڭ نەگىزگى باسىمدىعى حالىقتىڭ ناقتى تابىستارى مەن ءومىر ءسۇرۋ ساپاسىن ارتتىرۋ ەكەنىن العا تارتا وتىرىپ، بۇل مىندەت كەشەندى تۇردە شەشىلەتىنىن ايتتى.

«2020 جىلى بيۋدجەتتىك سالا قىزمەتكەرلەرىنىڭ جالاقىسى ارتتى. شاعىن جانە شاعىن بيزنەس ءۇشىن 3 جىلعا تەكسەرۋگە موراتوري جانە تابىس سالىعىن تولەۋدەن بوساتۋ ەنگىزىلدى. 2020 جىلى ۇكىمەت ينۆەستيتسيالاردى تارتۋدى، ونىمدىلىگى جوعارى جۇمىس ورىندارىن قۇرۋدى، ينفراقۇرىلىمدى دامىتۋدى، ەكسپورتقا باعدارلانعان يندۋستريالاندىرۋدى، وتىن-ەنەرگەتيكالىق جانە اگروونەركاسىپتىك كەشەندەردى، سونداي-اق ەكونوميكانى تسيفرلاندىرۋدى كوزدەيتىن جەتى ستراتەگيالىق باعىت بويىنشا جۇمىستى جالعاستىرادى»، دەدى اسقار مامين ءوز سوزىندە.

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار