«ەل ەكونوميكاسى تۇراقتى دامۋ جولىندا. 2019 جىلى جالپى ىشكى ءونىمنىڭ ءوسىمى 4,5 پايىزدى قۇرادى. ونىڭ 85 پايىز شيكىزاتتىق ەمەس سالالار ەسەبىنەن قامتاماسىز ەتىلدى. ەكونوميكالىق ءوسىمنىڭ قوزعاۋشى كۇشتەرى – قۇرىلىس, ساۋدا, كولىك سالالارى بولدى. وڭدەۋ ونەركاسىبىندەگى ءوسىم 4,4 پايىزدى قۇرادى. بۇعان نەگىزىنەن ماشينا جاساۋ سالاسى, سونىڭ ىشىندە اۆتوكولىك جاساۋ, ماشينالار مەن جابدىقتار ءوندىرىسى, فارماتسەۆتيكا جانە جەڭىل ونەركاسىپ ۇلەس قوستى. تاۋ-كەن ونەركاسىبى 3,7 پايىزعا ءوستى. بۇل كورسەتكىشكە مەتالل كەنىن ءوندىرۋ كولەمىن 16 پايىزعا ارتتىرۋدىڭ ناتيجەسىندە قول جەتكىزىلدى», دەدى اسقار مامين.
ۇكىمەت باسشىسىنىڭ ايتۋىنشا, نەگىزگى كاپيتالعا ينۆەستيتسيا 8,5 پايىزعا, ال جەكە ينۆەستيتسيا 9,5 پايىزعا وسكەن.
«حالىقتىڭ ناقتى تابىسى 5,5 پايىزعا ءوستى. 2019 جىلى 2,7 ملن ادامنىڭ جالاقىسى ءوستى. وعان ەڭ تومەنگى جالاقىنى ۇلعايتۋ شاراسى نەگىز بولىپ وتىر», دەدى ا.مامين.
