ايماقتار • 24 قاڭتار، 2020

تاراز قالاسىنىڭ «ءشولدالا» شاعىن اۋدانىنا گاز بەرىلدى

81 رەتكورسەتىلدى

وسى ۋاقىتقا دەيىن تاراز قالاسىنىڭ اۋماعىنداعى ء«شولدالا» شاعىن اۋدانى تۇرعىندارىنىڭ باستى ماسەلەسى كوگىلدىر وتىن بولىپ كەلدى. قالاعا قوسىلعانىنا ءبىراز جىل وتسە دە بۇل القاپتىڭ باستى ماسەلەسى گاز بولىپ قالا بەرگەن.

جۋىردا تاراز قالاسىنىڭ اكىمى ايتقازى قارابالاەۆ ء«شولدالا» تۇرعىندارىمەن كەزدەسۋگە بارعاندا دا بۇل ماسەلە تۇرعىندار تاراپىنان تاعى كوتەرىلدى. حالىق گاز جۇرگىزۋشى مەردىگەردىڭ جۇمىستى كەشەۋىلدەتىپ جاتقانىن ايتقاندا، شاھار اكىمى مەردىگەر كومپانيانىڭ جۇمىسىن سىنعا العان ەدى. ءتىپتى گاز جۇرگىزۋشى مەكەمە «KZ Construction» جشس-نەن تەز ارادا تۇرعىنداردىڭ تىلەگىن ورىنداۋدى تالاپ ەتكەن بولاتىن. ناتيجەسىندە ء«شولدالا» شاعىن اۋدانىنىڭ تۇرعىندارىنا گاز بەرىلدى. كوپ جىل كۇرمەۋى شەشىلمەي كەلگەن ماسەلە ءبىر كۇندە وڭ ناتيجە بەردى.

«ەنەرگوسترويتەل» كومپانياسىنىڭ ديرەكتورى باۋىرجان بوزىمبەكوۆ ء«شولدالا» تۇرعىندارىن كوگىلدىر وتىننىڭ بەرىلۋىمەن قۇتتىقتاپ، الاۋىن تۇتاتتى. ول ءوز سوزىندە القاپقا گاز تارتۋ جۇمىستارى ۇلكەن ەڭبەكپەن كەلگەنىن دە ايتىپ ءوتتى. وسىلايشا، ء«شولدالا» شاعىن اۋدانىنىڭ تۇرعىندارى ۇلكەن قۋانىشقا كەنەلدى. جالپى، وتكەن جىلعى مامىر ايىنان بەرى تاراز قالاسى بويىنشا بارلىعى 13 تۇرعىن القاپقا گازداندىرۋدىڭ جەراستى قۇبىرى جۇرگىزىلىپ كەلدى. بۇعان دەيىن «كازارما»، «قۇمشاعال» تۇرعىن القاپتارى گازداندىرىلعان بولاتىن. ەندى «پوبەدا» جانە «يۋبيلەينىي» ساياجايلارىنا گاز بەرىلسە، كەلەسى ايدا «ۆوسحود»، ۆەتەران»، «سيليكاتنيك» ساياجايلارىندا دا كوگىلدىر وتىننىڭ الاۋى جاعىلادى دەپ جوسپارلانۋدا. القاپتارعا گاز تارتۋ جۇمىستارىن جۇرگىزۋشى مەردىگەر «ەنەرگوسترويتەل» جاۋاپكەرشىلىگى شەكتەۋلى سەرىكتەستىگى جالپى كولەمى 70 شاقىرىمدى قۇرايتىن كوگىلدىر وتىندى كىرگىزۋ ءۇشىن گاز تاراتۋ شكافتارىن جانە 2 گاز تاراتۋ پۋنكتىنىڭ قۇرىلىسىن جۇرگىزگەن.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار