ۇكىمەت • 24 قاڭتار، 2020

اقتوتى رايىمقۇلوۆا ANSA اقپارات اگەنتتىگىنىڭ وكىلدەرىن قابىلدادى

25 رەتكورسەتىلدى

قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا يتاليانىڭ Agenzia Nazionale Stampa Associata (ANSA) حالىقارالىق اقپارات اگەنتتىگىنىڭ وكىلدەرىن قابىلدادى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.

دەلەگاتسيا قۇرامىندا اتالعان اقپارات اگەنتتىگىنىڭ اتقارۋشى ديرەكتورى ستەفانو دە الەسساندري، حالىقارالىق ماركەتينگ ءبولىمىنىڭ ديرەكتورى لۋيدجي سيلۆەستري مەن تمد ەلدەرى بويىنشا بيۋرو باسشىسى ماتتيا بانولي بولدى. 

مينيستر اقتوتى رايىمقۇلوۆا قازاقستان مەن يتاليا اراسىنداعى مەملەكەتارالىق كەلىسىم اياسىندا مادەنيەت سالاسىندا ءبىرشاما بىرلەسكەن جۇمىس اتقارىلىپ جاتقانىن ايتتى.

«يتاليا دەگەندە ەڭ الدىمەن كلاسسيكالىق مۋزىكا، وپەرا، تەاتر ويعا ورالادى. ەكى ەل اراسىندا مادەني، شىعارماشىلىق بايلانىس جاقسى ورنىققانى قۋانتادى. ماسەلەن، استانا قالاسىندا 2017 جىلى ەكسپو كورمەسى وتكەندە «استانا وپەراعا» ايگىلى لا سكالا وپەرا تەاترى ۇجىمىنىڭ كەلۋى ءبىز ءۇشىن ۇلكەن سىي بولدى. ال 2019 جىلى 31 قازاندا ن. تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترى ريمدە كونتسەرت وتكىزىپ، يتاليا تۇرعىندارىن قازاقتىڭ ءداستۇرلى ءان ونەرىمەن تانىستىرۋعا ءوز ۇلەسىن قوستى. سونىمەن قاتار «استانا وپەرا»، «استانا بالەت» ۇجىمدارى جىل سايىن يتالياعا گاسترولدىك ساپارمەن بارىپ، ونەر كورسەتىپ كەلەدى» دەدى ول.

ANSA-نىڭ اتقارۋشى ديرەكتورى ستەفانو دە الەسساندري قازاقستانعا كەلۋدەگى ماقساتىمەن تانىستىردى. قازىرگى ۋاقىتتا يتالياندىقتاردىڭ قازاقستانعا دەگەن قىزىعۋشىلىعى ۇلعايىپ كەلە جاتقانىن جەتكىزدى. 

«قازاقستانعا ءبىر كۇنگە عانا كەلسەك تە بۇل ساپارىمىز جەمىستى بولدى. ءبىزدىڭ ماقساتىمىز- قازاقستان مەن يتاليا اراسىنداعى اقپارتتىق قارىم قاتىناستى نىعايتۋ. ويتكەنى، ءبىزدىڭ اگەنتتىك پەن «قازينفورم» حاا-نىڭ بىرلەسكەن كەلىسىم-شارتقا قول قويۋى ەكى مەملەكەت ءۇشىن ءتيىمدى بولارى انىق. قازىر اگەنتتىك سايتىندا قازاقستانعا ارنالعان جەكە ءبولىم اشۋدى جوسپارلاپ وتىرمىز. وسى رەتتە ەڭ الدىمەن يتاليانى قازاقستاننىڭ مادەنيەت، سپورت جانە تۋريزم جاڭالىقتارىمەن حاباردار ەتسەك دەيمىز. سەبەبى، يتاليادا قازاقستان تۋرالى جان-جاقتى بىلەدى دەپ ايتا المايمىن. وسى ساپارعا اتتانار الدىندا مەنەن قازاقستان تۋرالى سۇراعان تانىستارىم كوپ بولدى. ءتىپتى ءوزىم ءسىزدىڭ ەلىڭىزگە دەگەن قىزىعشىلىقتىڭ جوعارى ەكەنىنە تاڭ قالدىم» دەدى  ستەفانو دە الەسساندري.

سونىمەن قاتار اقپارات اگەنتتىگىنىڭ وكىلدەرى قازاقستاننىڭ تاريحي مادەني مۇرالارىمەن ەۆروپا جۇرتشىلىعىن تاڭ قالدىرىپ وتىرعاندىعىن ايتتى. مادەني بايلانىستىڭ تامىرى تەرەڭدە ەكەنىنە ءمان بەردى.  

ايتا كەتەيىك، 2020 جىلى يتاليا استاناسى ريمگە ساق داۋىرىنەن سىر شەرتەتىن «التىن ادام» حالىقارالىق جوباسى بارادى. سونىمەن قوسا بيىل قازاقستان ۇلى اقىن اباي قۇنانباي ۇلىنىڭ 175 جىلدىق مەرەيتويىن اتاپ وتەدى. وسى ورايدا ANSA اگەنتتىگى باسشىلىعى بۇل جوبالارعا جان-جاقتى قولداۋ كورسەتۋگە دايىن ەكەندىكتەرىن جەتكىزدى.

كەزدەسۋ سوڭىندا مادەنيەت جانە سپورت مينيسترلىگى مەن Agenzia Nazionale Stampa Associata (ANSA) اقپارات اگەنتتىگى ءوزارا ىنتىماقتاستىقتى بۇدان ءارى دە نىعايتۋ جولىندا قىزمەت ەتۋگە كەلىستى.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار