ۇكىمەت • 24 قاڭتار، 2020

ءسىم-دە ۆەدومستۆوارالىق كوميسسيانىڭ ەكىنشى وتىرىسى ءوتتى

17 رەتكورسەتىلدى

سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆتىڭ توراعالىعىمەن شەت ەلدەرمەن ىنتىماقتاستىق جونىندەگى بىرلەسكەن ۇكىمەتارالىق كوميسسيالاردىڭ (كوميتەتتەردىڭ، كەڭەستەردىڭ) جانە ولاردىڭ كىشى كوميسسيالارىنىڭ (كىشى كوميتەتتەردىڭ، جۇمىس توپتارىنىڭ) قازاقستاندىق بولىگىنىڭ تيىمدىلىگىن ارتتىرۋ ماسەلەلەرى جونىندەگى ۆەدومستۆوارالىق كوميسسيانىڭ ەكىنشى وتىرىسى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

مۇددەلى قازاقستاندىق مەملەكەتتىك ورگاندار وكىلدەرى مەن قازاقستان رەسپۋبليكاسىنىڭ ءسىم قۇرىلىمدىق بولىمشەلەرىنىڭ باسشىلارى وتىرىس جۇمىسىنا قاتىستى. 

ءىس-شارا بارىسىندا قازاقستاننىڭ قاتىسۋىمەن ۇكىمەتارالىق كوميسسيالاردىڭ اعىمداعى قىزمەتى، سونداي-اق حالىقارالىق ساۋدا-ەكونوميكالىق ىنتىماقتاستىقتى جەتىلدىرۋ جونىندەگى جاڭا مۇمكىندىكتەردى تولىق تالداۋدى قوسا العاندا، ولاردىڭ جۇمىسىنىڭ تيىمدىلىگىن ارتتىرۋ جونىندەگى شارالار قارالدى. وتىرىسقا قاتىسۋشىلار ۆاك-تىڭ ءتيىستى حاتتاماسىندا كورسەتىلگەن ءوز ۇسىنىستارى مەن ۇسىنىمدارىن ۇسىندى.

ۇكىمەتارالىق كوميسسيالار (ۇاك) حالىقارالىق تاجاريبەدە ەلدەر اراسىنداعى ەكىجاقتى ەكونوميكالىق ىنتىماقتاستىقتى ۇيلەستىرۋدىڭ تانىلعان قۇرالى بولىپ تابىلادى. تاۋەلسىزدىكتىڭ العاشقى جىلدارىنان باستاپ قازاقستان باسقا مەملەكەتتەرمەن ءوزارا ءتيىمدى بايلانىسىن ۇاك تەتىگىن بەلسەندى پايدالانا وتىرىپ دامىتۋدا.

قازىرگى ۋاقىتتا قازاقستان ۇاك شەڭبەرىندە شەت ەلدەردىڭ ۇكىمەتتەرىمەن بىرلەسىپ، 62 ۇكىمەتارالىق كوميسسيا مەن كوميتەت، 22 كىشى كوميسسيا جانە كىشى كوميتەتتى، سونداي-اق بىرقاتار سالالىق باعىتتار بويىنشا 52 جۇمىس توبىن قوسا العاندا، 136 قۇرىلىم قۇردى. ەلىمىزدىڭ سىرتقى ەكونوميكالىق ساياسات سالاسىندا قول جەتكىزگەن تابىستارىندا ۇاك-تاردىڭ ەڭبەگى زور.

قازاقستان رەسپۋبليكاسىنىڭ ۇەم ستاتيستيكا كوميتەتىنىڭ مالىمەتىنشە، 2019 جىلدىڭ قاڭتار-قاراشا ارالىعىندا قازاقستاننىڭ سىرتقى ساۋدا كولەمى 86،7 ملرد دوللاردى قۇراپ، 2018 ج. ۇقساس مەرزىمىمەن سالىستىرعاندا 1،45%-عا كوبەيگەن بولاتىن. وتكەن جىلدىڭ 10 ايىندا نەگىزگى كاپيتالعا تىكەلەي شەتەلدىك ينۆەستيتسيالار 8،2%-عا ءوسىپ، 9،7 ترلن تەڭگەنى قۇردى.

شەت ەلدەرمەن ىنتىماقتاستىق جونىندەگى ۇاك قازاقستاندىق بولىگىنىڭ تيىمدىلىگىن ارتتىرۋ ماسەلەلەرى جونىندەگى ۆەدومستۆوارالىق كوميسسيانىڭ ءبىرىنشى وتىرىسى 2018 ج. 12 جەلتوقسانىندا نۇر-سۇلتاندا ءوتتى. 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار