ايماقتار • 24 قاڭتار، 2020

الماتى وبلىسىندا شەتىنەگەن سابيلەر ستاتيستيكاسىندا سايكەسسىزدىك بار

52 رەتكورسەتىلدى

الماتى وبلىسى – بالا ءولىمىنىڭ دەرەگى بويىنشا رەسپۋبليكادا 2-ورىندا تۇرعان ءوڭىر. وكىنىشكە قاراي، ايماق اۋرۋحانالارى جۇرگىزگەن ستاتيستيكالىق تىركەۋدەن دە سايكەسسىزدىك تابىلىپ وتىر.

ماسەلەن، وبلىستىق دەنساۋلىق ساقتاۋ باسقارماسىنىڭ جوعارىعا بەرگەن ەسەبىندەگى مالىمەت پەن جەرگىلىكتى جەردەگى ناقتى وقيعالاردىڭ اراسىندا الشاقتىق بايقالعان. بۇل ءىستىڭ انىق-قانىعىن زەردەلەگەن دەنساۋلىق ساقتاۋ مينيسترلىگى ستاتيستيكالىق تىركەۋدەن ورەسكەل زاڭ بۇزۋشىلىق تاپقان. ياعني، ايماقتاعى سابيلەردىڭ شەتىنەۋ وقيعالارىن سارالاعان مينيسترلىك وكىلدەرى بۇعان وڭىردەگى قاجەتتى مامان تاپشىلىعى مەن دارىگەرلەردىڭ جاۋاپسىزدىعى سەبەپ بولعان دەگەن شەشىمگە كەلىپتى. بۇل جايدى وبلىستا وتكەن دەنساۋلىق ساقتاۋ ماسەلەلەرى جونىندەگى كوشپەلى وتىرىستا ۆيتسە-مينيستر ءلاززات اقتاەۆا دا سىنعا العان ەدى.

ءمالىم بولعان دەرەك بويىنشا، مينيسترلىك تەكسەرۋى وبلىس پەرزەنتحانالارىنىڭ انا مەن بالا ءومىرىن قورعاۋعا دايىندىعى ناشار ەكەنىن انىقتاعان، ونىڭ ىشىندە قاجەتتى مەديتسينالىق قۇرال-جابدىق پەن مامانداردىڭ جەتىسپەۋشىلىگى وتكىر تۇرعان كورىنەدى. مىسالى، پەرزەنتحانالار مەن اۋرۋحانالاردى سۇرانىسقا ساي نەوناتولوگ-دارىگەرلەرمەن قامتاماسىز ەتۋ 50 پايىز دا جەتپەي وتىر. ال قاجەتتى قۇرال-جابدىقپەن جاراقتاندىرۋ 72،8 پايىز دەڭگەيىندە ەكەن. ءدارى-دارمەك تاپشىلىعى دا بايقالعان. سونىڭ كەسىرىنەن جاس بوسانعان انا مەن دۇنيە ەسىگىن اشقان ءسابيدىڭ ومىرىنە تونگەن قاۋىپتىڭ الدىن الۋ مۇمكىن بولماي وتىر.

سونداي-اق تەكسەرۋ بارىسىندا وبلىستا ءتيىستى مەديتسينالىق سەرتيفيكاتى جوق وتىزعا جۋىق ماماننىڭ ەمحانالار مەن اۋرۋحانالار جۇمىس ىستەپ جۇرگەنى انىقتالعان. ال وبلىستىڭ مەديتسينالىق ۇيىمدارىنىڭ 27 پايىزى عانا ۇلتتىق ستاندارتتارعا ساي اككرەديتاتسيادان وتسە، 61 مەكەمە سانيتارلىق-ەپيدەميولوگيالىق تالاپ تۇرعىسىنان كورىنە الماعان ەكەن.

ايتپاقشى، وبلىستىق دەنساۋلىق ساقتاۋ باسقارماسىنىڭ دەرەگىنشە، 2019 جىلى انا مەن بالا ولىمىنە قاتىستى 12 وقيعا تىركەلگەن. تالداۋ ناتيجەلەرى ايماق بويىنشا اجالدىڭ الدىن الۋعا دايىندىقتىڭ تومەندىگىن كورسەتىپ، قاۋىپتىلىك دەڭگەيىنىڭ 5،5 ەسەگە وسكەنىن كورسەتكەن. جەتى وقيعا بويىنشا ارنايى زەرتتەۋ جۇرگىزىلىپ، ونىڭ بەسەۋى مەديتسينا قىزمەتكەرلەرىنىڭ سالعىرتتىعىنان بولعاندىعى انىقتالىپتى. ال ەكى جاعدايدىڭ الدىن الۋعا دارىگەرلەر دارمەنسىز بولعان. ال انا مەن بالا ءومىرىن ساقتاۋداعى سالعىرتتىققا جول بەرگەن لاۋازىمدى باسشىلاردىڭ ەكەۋى جۇمىستان بوساتىلىپ، 5 ادامعا قاتاڭ سوگىس جاريالانىپتى.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار