ايماقتار • 24 قاڭتار، 2020

جىل باسىنان بەرى 25 مىڭ كوپ بالالى وتباسى جاڭا جاردەماقى ءتۇرىن راسىمدەدى

47 رەتكورسەتىلدى

قازاقستاندا كوپ بالالى وتباسىلارعا ارنالعان جاردەماقىنىڭ جاڭا ءتۇرىن جىل باسىنان بەرى 25،4 مىڭ وتباسى راسىمدەپ ۇلگەردى. ونىڭ ىشىندە 11،8 مىڭنان استام وتباسى جاردەماقىنى العاش رەت راسىمدەسە، 13،7 مىڭى قايتا ەسەپتەۋگە قۇجات وتكىزگەندەر.

-كوپ بالالى وتباسىلار حالىققا قىزمەت كورسەتۋ ورتالىعىنا جەكە تولقۇجاتتارىمەن كەلىپ ءتيىستى جاردەماقىنى راسىمدەي الادى. وسىعان دەيىن جاردەماقى العان وتباسىلار جاڭا جاردەماقى ءتۇرىن الۋشىلار تىزىمىندە بار-جوعىن 1411 call-ورتالىعى مەن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ www.enbek.gov.kz سايتى ارقىلى دا تەكسەرە الادى، دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتورايىمى اسەمگۇل بالتاشەۆا.

جالپى العاندا، 1 قاڭتارداعى جاعداي بويىنشا 368،9 مىڭ وتباسىعا مەملەكەتتىك جاردەماقى تاعايىندالعان، ونىڭ 246 مىڭى – بۇعان دەيىن ارناۋلى مەملەكەتتىك جاردەماقى العاندار.

ايماقتىق بولىنىستە جىل باسىنان بەرى جاردەماقىنىڭ راسىمدەلۋىنە تۇركىستان وبلىسىنان كوپ ءوتىنىش قابىلدانعان. ودان كەيىن الماتى وبلىسى مەن شىمكەنت قالاسىنىڭ تۇرعىندارى.

ەستەرىڭىزگە سالايىق، 2020جىلدان باستاپ وتباسىندا بىرگە تۇراتىن كامەلەتكە تولماعان ءتورت جانە ودان دا كوپ بالالارى، ونىڭ ىشىندە كامەلەت جاسىنا تولعاننان كەيىن ءبىلىم بەرۋ ۇيىمدارىن تامامداعانعا دەيىن (23 جاسقا دەيىن) ورتا، تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا وقيتىن بالالارى بار وتباسىنا اي سايىن تاعايىندالاتىن مەملەكەتتىك جاردەماقى كولەمى: 4 بالاسى بارلارعا – 42 496 تگ، 5 بالاعا – 53 127 تگ، 6 بالاعا – 63 757 تگ، 7 جانە ودان كوپ بالاعا – 74 388 تگ.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار