العاشقى كەزەڭدە الەمنىڭ 24-راكەتكاسى اماندا انيسيموۆادان (اقش) ءۇش سەتتە باسىم تۇسكەن دياس ەكىنشى كەزەڭدە رەسەيلىك اننا بلينكوۆادان ايلاسىن اسىردى. 2 ساعاتقا سوزىلعان بۇل سايىستا 4:6, 6:3, 6:4 ەسەبى تىركەلدى. وتانداسىمىز رەسەيلىك تەننيسشىمەن ءبىر ايدا ەكىنشى رەت كەزدەسىپ وتىر. ەكى تەننيسشى جىل باسىندا قىتايدىڭ شەنچجەن قالاسىندا وتكەن ءتۋرنيردىڭ شيرەك فينالىندا كەزدەسىپ, ماتچ ز.دياستىڭ جەڭىسىمەن اياقتالعان-دى. ەندى قانداسىمىز بىرىنشىلىكتىڭ ءۇشىنشى كەزەڭىندە الەمنىڭ 10-راكەتكاسى سانالاتىن نيدەرلاند وكىلى كيكي بەرتەنسپەن كەزدەسەدى.
ال يۋليا پۋتينتسەۆا ەكىنشى اينالىمدا امەريكالىق دانيەل روۋز كوللينسپەن سىنعا ءتۇسىپ, ءۇش سەتكە سوزىلعان باسەكەدە 6:4, 2:6, 7:5 ەسەبىمەن جەڭىسكە جەتتى. Australian Open ءتۋرنيرىنىڭ ءۇشىنشى كەزەڭىندە پۋتينتسەۆا الەمنىڭ ءۇشىنشى راكەتكاسى رۋمىنيالىق سيمونا حالەپپەن باق سىنايدى.
سونداي-اق بۇگىن ەلەنا رىباكينا دا الەمنىڭ ءبىرىنشى راكەتكاسى اۋستراليالىق ەشلي بارتيمەن كۇش سىناسادى. 23 جاستاعى اۋستراليالىق تەننيسشى بىلتىر «رولان گارروس» باسەكەسىندە توپ جارعان بولاتىن.
